Foto: kaz.inform.kz
Mal men qus boıynsha aqparatty aldyn ala taldaý nátıjesi ákimdikter jumysty tıimdi júrgizbegenin kórsetti.
Aýyl sharýashylyǵy mınıstri Aıdarbek Saparov keıbir óńirde derekterdi burmalaý faktileri bar ekenin aıtty. Jýyrda veterınarlyq ınspektorlar eki oblystyń jekelegen aýyldaryn aralap, elektrondy júıedegi aqparatta naqty mal sanynan 30-70% aıyrmashylyq bar ekenin anyqtaǵan.
Keńeste iri qara maldyń sútti jáne aralas tuqymdarynyń respýblıkalyq palatasynyń atqarýshy dırektory Azamat Saǵynbaev sóz sóıledi. Palatanyń málimetinshe, elimizde 2,2-2,5 mln lıtrge jýyq sút óndiriledi. Al resmı statıstıka 2023 jyly sút saýymy 6,3 mln tonnany qurady.
«Sharýashylyqtar boıynsha esepke alý derekterin sapaly túrde ózektendirý qajet. Bul – mal men ósimdik sharýashylyǵyndaǵy da statıstıkany qalyptastyrýdyń negizgi aqparat kózi. Olarsyz aýyl sharýashylyǵyn tıimdi josparlap, damytý múmkin emes. Aýyl sharýashylyǵy mınıstrligine ár óńir jáne aýdan ákimderimen sharýashylyqtar boıynsha esepke alý derekterin durys toltyrý máselesin pysyqtaýdy, al ákimdikterge derekterdi elektrondy esepke alý júıelerin ózektendirýdi tapsyramyn», dedi S.Jumanǵarın.
