Foto: dauletten.kz
О́ńirde bolǵan sý tasqyny kezinde Oral qalasy men birneshe aýdandaǵy eldi mekender, turǵyn úıler men áleýmettik nysandar zardap shekken edi. Búginde Oral qalasy, Qaratóbe, Syrym, Báıterek, Bórli jáne Terekti aýdandarynda turǵyndarǵa tıgen shyǵyndy óteý úshin komıssııa jumys istep, múmkin bolatyn jerlerde tehnıkalyq tekserýler ótkizip jatyr.
«Tótenshe jaǵdaı saldarynan oblysta 1 497 turǵyn úıge zııan keldi, 456 turǵyn úı ári qaraı turýǵa jaramsyz dep tanyldy. Iаǵnı Qaratóbe aýdanynda – 90, Syrymda – 114, Terektide – 116, Báıterek aýdanynda – 9, Bórli aýdanynda 127 úı turýǵa jaramsyz. Olar jańadan salynady nemese basqa úı satyp alynady», dedi Tilepbergen Ersaıuly.
Oblys ákimi orynbasarynyń aıtýynsha, kúni búgin joǵaryda atalǵan aýdandarda jaramsyz dep tanylǵan turǵyn úılerdi qalpyna keltirý jumysy bastalyp ketken. Atap aıtqanda, salynatyn jańa turǵyn úılerdiń jer ýchaskeleri anyqtalyp, eski oryndary buzylyp, jer jumystary júrgizilip jatyr. Qurylysty júrgizýge negizinen jergilikti kompanııalar tańdalǵan, kóp jerde qurylys jumysy bastalǵan. Sý deńgeıi áli túse qoımaǵan jerlerde ǵımarattarǵa tehnıkalyq baǵalaý keıinge qala turatyny túsinikti ǵoı. Sondyqtan joǵarydaǵy sandarǵa áli de ózgeris enýi múmkin. Ázirge 386 turǵyn úı jańadan salynyp, 70 úı satyp alynatyny habarlandy. Sondaı-aq sý basqan 1 010 úı turýǵa jaramdy dep eseptelip, olarǵa jóndeý jasalatyn boldy.
Sý tasqynynan zardap shekkenderge memleket tarapynan 100 aılyq eseptik kórsetkish – 369,2 myń teńge mólsherinde birjolǵy áleýmettik kómek tólenip jatqany belgili. О́ńirde osyndaı kómek suraǵan 9 812 ótinish túsken. Qazirgi tańda 6 679 otbasy 2,4 mlrd teńge áleýmettik kómek alyp úlgergen.
Batys Qazaqstan oblysynda sý tasqyny saldarynan 2 342 bas mal shyǵyny bolǵan edi. Onyń shyǵyny 187,5 mln teńge dep eseptelip, oblystyq bıýdjettiń rezervinen atalǵan qarjy bólinip tur. Qazirdiń ózinde 141 adamnyń ótinishi qanaǵattandyrylyp, turǵyndarǵa sýǵa ketip ólgen 1 000 bas mal úshin 126,9 mln teńge ótemaqy berildi.
Bıylǵy sý tasqynynan qatty zardap shekken aımaqtyń biri – qala mańyndaǵy saıajaı qaýymdastyqtary. О́zen jaıylmasynda ornalasqandyqtan, saıajaı áý bastan ýaqytsha paıdalanylatyn qonys bolyp sanalady. Biraq memleket saıajaıdaǵy úıi jalǵyz baspanasy bolǵan turǵyndarǵa kómek qolyn sozdy. Sonyń mysaly, Batys Qazaqstan oblysynda sýǵa ketken 8 732 saıajaı úıiniń ishinde 2 579 turǵynǵa páter beriletini habarlanyp jatyr. Saıajaılardyń kóp bóligi áli sý ishinde turǵandyqtan, bul san ózgerýi múmkin.
«Tabıǵat apaty kezinde turǵyndardyń baspanasy ǵana emes, materıaldyq múlikteri de búlindi. Arnaıy komıssııanyń sheshimimen materıaldyq múlikti óteýdiń joǵarǵy shekti quny 150 AEK bolyp belgilendi. Bul – 553,8 myń teńge. Kúni búgin materıaldyq múlikti óteý boıynsha halyqtan 11 909 ótinish tústi, qazir tıisti baǵalaý jumysy júrgizilip jatyr», dedi T.Qaıypov.
Osyndaı shyǵyndy baǵalaý, esepteý isi shaǵyn jáne orta bıznes nysandarynda da júrip jatyr. Arnaıy komıssııa kásipkerlerge keltirilgen múliktik nuqsandy eseptep, naqty sheshimin aıtady. Aıtpaqshy, sý tasqynynan zardap shekken jandardyń túrli nesıe boıynsha tólemderi 2024 jylǵy 1 sáýir men 30 maýsym aralyǵynda 3 aı merzimge keıinge qaldyryldy. Sý tasqyny saldarynan olar tıisti tólemderin keshiktirip alsa, aıyppul men ósimpul eseptelmeıdi.
Qarjy naryǵyn retteý jáne damytý agenttigi habarlaǵandaı, kúni búgin tasqynnan zardap shekken 7 myńnan asa azamattyń qaryzyn tóleý merzimin keıinge shegerý boıynsha shara qabyldanǵan eken. Osynyń 4 myńǵa jýyǵy – saıajaı turǵyndary.
Batys Qazaqstan oblysy
