Komanda quramynda mektep oqýshylary Osman Qýanyshbek, Temirlan Abylahan, Nurtóre Maqsatov, Alan Ermekbaev, Nurken Tóleýbek, Baljan Naımanǵazına, Dosjan Sábıt, Radmır Jeńisbek jáne jetekshi, ınformatıka pániniń muǵalimi Aıdos Tursynbekov bar. Bul top FTC jáne FLL baǵyttary boıynsha birneshe First Kazakstan Championship respýblıkalyq jáne halyqaralyq chempıonattarynyń jeńimpaz atanǵan.
– Biz oblys oqýshylarynyń robottehnıka boıynsha eń myqty halyqaralyq komandalarmen birge baq synap, jarysatyndyǵyn maqtan tutamyz. Bul – oqýshylar úshin óz bilimderi men daǵdylaryn kórsetý múmkindigi ǵana emes, sonymen qatar jańa adamdarmen tanysý, tájirıbe almasý jáne ıdeıalardan shabyt alý múmkindigi. Buǵan deıin de bizdiń oqýshylar álemdik jáne halyqaralyq chempıonattarda birneshe ret el atynan óner kórsetip, árqashan jeńispen oraldy, – dep atap ótti Abaı oblysy bilim basqarmasynyń baspasóz qyzmetinde.
Aıta keteıik, buǵan deıin Abaı oblysy atynan birneshe komanda Indonezııa, Túrkııa, Sıngapýr elderinde álemdik, halyqaralyq dodalarǵa qatysqan. FIRST – jastardy bolashaq synaqtarǵa daıyndaıtyn bilim berý baǵdarlamasy men jarystardy qamtıtyn álemdik qaýymdastyq. FIRST músheleri ınklıýzıv komandalarǵa birigedi, robottehnıka jáne Steam tapsyrmalaryn sheshedi, ınnovasııalyq jobalar ázirleıdi jáne kórsetedi.
