Foto: ShQO PD
ShQO polısııa departamentiniń málimetinshe, azamat quqyq qorǵaý organdaryna habarlasyp, kómek suraǵan. Ol óz sózinde er adamnyń ózin ǵana emes, otbasyn da qorqytyp, odan 1 mıllıon teńge bopsalaǵanyn aıtty.
«Jedel-tergeý amaldarynyń nátıjesinde shyǵysqazaqstandyq jedel ýákilder buryn sottalǵan 37 jastaǵy qala turǵynyn 200 000 teńge alý kezinde ustady. Bopsalaýshy óz kinásin tolyqtaı moıyndap otyr. Onyń zańsyz áreketterin rastaıtyn qolma-qol aqsha tárkilendi», delingen aqparatta.
Búginde atalǵan fakti boıynsha sotqa deıingi tergeý amaldary júrgizilip jatyr. Kúdiktige múlki tárkilenip, úsh jyldan jeti jylǵa deıingi merzimge bas bostandyǵyn shekteý nemese sol merzimge bas bostandyǵynan aıyrý jazasy qarastyrylǵan.
Qyrmyzy JUMAǴALIQYZY,
EUÝ stýdenti
