Sýretti túsirgen – avtor
Bir qaraǵanda sıren be deısiz. Endi birde Japonııanyń áıgili sakýrasyna uqsatasyz. Alaıda negizgi ataýy – maral oty. Mamyrda gúldeıdi. Bul ósimdik Reseıdiń Shúı joly boıyndaǵy betkeılerde tutasyp ósedi. Týrızmniń damyǵandyǵy ma, ol jaqta maral oty gúldegende saıahatshylar anaý-mynaý jumysyn ysyra turyp, alys-jaqynnan arnaıy jetip, sýretke túsedi, tabıǵattyń sulýlyǵyn tamashalaıdy. Sol sekildi О́skemen – Samar tas jolyndaǵy maral otyn da kóbeıtip, týrısterdi tartsa degen oı kelgen. Ol týraly botanık mamandar ne deıdi? Eń áýeli solardyń pikirin tyńdaǵanbyz.
– Iá, erekshe ádemi gúl. О́kinishke qaraı, azaıyp bara jatqandyqtan, «Qyzyl kitapqa» endi. Kóbeıtý jaǵyn zerttep, ózi beıimdelgen jerlerge otyrǵyzýǵa bolady, árıne. Biraq onymen aınalysatyn arnaıy mamandar kerek shyǵar? – deıdi S.Amanjolov atyndaǵy ShQMÝ bıologııa kafedrasynyń dosenti, bıologııa ǵylymdarynyń kandıdaty Jamal Igisinova.
Eger maral oty О́mesh asýynan asqandaǵy Laıly burylystarynyń ishindegi betkeılerge kıizdeı qaptap, kóktemde qulpyryp tursa, saıahatshylardyń arnaıy saparlaıtyny anyq. Japonııada sakýra aǵashy gúl atqanda qanshama elden týrıst sabylady. Máselen, Tokıodaǵy «Sındzıýký» saıabaǵynda ǵana 1000 túp sakýra aǵashy bar eken. Sol sekildi Samardyń «sakýrasyn» da kóbeıtýdi qolǵa alsa, ıgi is bolar ma edi. Qazirdiń ózinde ár túptiń túbine toqtap, sýretke túsip júrgen sulýlyqqa jany qumar jolaýshylardy baıqadyq.
Shyǵys Qazaqstan oblysy,
Samar aýdany
