«Qazaq baleti: 90 jyldyq tarıh» kartınalar kórmesi Toǵjan Moldalimniń jetekshiligimen «Qazaq Ballet Creative Lab» jáne Nursultan Nazarbaev qorynyń qoldaýymen júzege asyrylǵan «Qazaq baletine 89 jyl» art-albom jobasynyń jalǵasy ispetti. Jobanyń maqsaty – ulttyq mýzykalyq-horeografııalyq mádenıetti keskindeme-dızaın óneri arqyly saqtaý jáne nasıhattaý.
Kórme mýzeı, teatr jáne jeke muraǵattardan alynǵan sırek muraǵattyq fotosýretter, beınejazbalar men mátinder negizinde jasalǵan avtorlyq kartınalardan turady. Kartınalarda qazaq opera jáne balet teatrynyń 90 jyldyq kezeńindegi ulttyq spektaklderdiń kórinisteri beınelengen. Olardyń arasynda Abaı̆ atyndaǵy Qazaq ulttyq opera jáne balet teatry, Qazaqstan Respýblıkasy Memlekettik akademııalyq bı teatry, «Samuryq» zamanaýı bı teatry, apaly-sińlili Ǵabbasovalardyń bı teatry, K.Baıseı̆itova atyndaǵy ulttyq opera jáne balet teatry, «Astana balet» teatry, «Astana opera» memlekettik opera jáne balet teatrynyń biregeı qoıylymdarynyń kórinisteri bar. Sondaı̆-aq A.Seleznıov atyndaǵy Almaty horeografııalyq ýchılıshesiniń, Qazaq ulttyq óner ýnıversıtetiniń stýdentteriniń qoı̆ylymdary da usynylǵan.
Jobany jasaýǵa Toǵjan Moldalim, «Qazaq Ballet Creative Lab» jetekshisi Damır Orazymbetov, sýretshi Jannat Baımuhanova, dızaıner Gýzel Nurymbetova sekildi otandyq art-sheberler atsalysqan. Albom elimizdiń mádenı murasyn júıeleýdi jáne búkil álemge tanystyrýdy murat tutady.
ALMATY
