Keıbir talaptar ózgeredi

Qabyldanǵan sheshimge sáıkes tis protezderine arnal­ǵan bekitkish untaqtar men pasta­lar, tis shetkalary men jip­ter sııaqty aýyz qýysynyń gıgıe­nasyna arnalǵan qural­dar men buıymdardyń túr­leri endi memlekettik tirkeý­den ótý arqyly biryńǵaı sanı­ta­r­lyq talaptarǵa sáıkes­tigi baǵalanatyn bolady. Bul EAEO elderiniń naryqtarynda belgilengen standarttarǵa sáı­kes kelmeıtin aýyz qýy­sy gıgıenasyna arnalǵan quraldar men buıymdardyń aınalymyn barynsha azaıtýǵa múmkindik beredi.

«Oıynshyqtardyń qaýip­siz­digi týraly» tehnıka­lyq regla­mentke ózgerister qar­sylyqsyz qabyldandy. En­di tańbalaý japsyrmalarynda «hosh ıistendirilgen oıyn­shyq», «jumsaq oıyn­shyq­tar», «syldyrmaq», «dám daǵdy­laryn damytýǵa arnalǵan jıyn­tyq», «ıis sezýdi damytýǵa arnal­ǵan ústel oıyndary», «dám jınaq­tary» sııaqty basqa da jańa anyqtamalar paıda bolady.

Taýarlardyń damýshy jáne az damyǵan elderden shyǵýyn aıqyndaý qaǵıdalaryna ózge­ris­ter paketi maquldandy. Bul erejeler tarıftik preferen­sııa­lar berýge qoldanylady. О́zgerister taýarlardy kedendik resimdeý kezinde shyqqan jerin rastaý rásimin ońaılatýǵa yqpal etedi. Atap aıtqanda, turaqty negizde túpnusqanyń ornyna taýardyń shyqqan jeri kórsetilgen sertıfıkatynyń kóshirmesin nemese elektrondyq nusqasyn paıdalaný múmkindigi bolady. Taýarlardy tasymaldaý sharttaryna qoıylatyn talaptar, taýardyń shyqqan jeri kórsetilgen sertıfıkatty tekserýge úshinshi elderdiń elektrondyq derekqorlary týraly erejeler jáne basqalary naqtylandy.

Sondaı-aq EEK keńesinde mem­lekettik satyp alýǵa taýarlardyń jekelegen túr­leriniń shyǵarylǵan elin aı­qyndaý qaǵıdalaryna ózgeris­ter engizý máselesi qoldaý tapty. Negizgi ózgeris memlekettik satyp alýǵa qatysý kezinde ulttyq rejimdi usyný úshin taýarlardyń shyǵarylǵan elin aıqyndaýǵa qatysty boldy. Jańa redaksııanyń arqasynda bul mańyzdy bolmaı qalady: sa­typ alý úderisi júrgiziletin el­diń nemese EAEO-ǵa múshe bas­qa memleketterdiń jetkizýshileri taýar usynady.