Foto: primeminister.kz
«Vetnam – Qazaqstannyń Azııadaǵy mańyzdy seriktesteriniń biri. Qazaqstan Prezıdentiniń byltyr tamyzdaǵy Vetnamǵa resmı saparynyń qorytyndysy boıynsha biz ekijaqty qarym-qatynasymyzdyń joǵary belsendiligin atap ótemiz: taýar aınalymy 85%-ǵa ósip, shamamen $1 mlrd-qa jetti. Elderimiz arasynda aptasyna 13 áýe reısi oryndalady. Ushý geografııasyn keńeıtýge daıynbyz», dep atap ótti S.Jumanǵarın.
Sonymen qatar vıse-premer vetnamdyq kompanııalardy Transkaspıı halyqaralyq kólik baǵytynyń múmkindikterin zertteýge shaqyrdy. Bul vetnamdyq eksportqa teńiz baǵyttaryna qaraǵanda Shyǵystan Batysqa qaraı 3-4 ese jyldam júrýge múmkindik beredi, bul shyǵyndardy aıtarlyqtaı azaıtady.
«Biz THKB Azııa men Eýropa arasyndaǵy eń ońtaıly baǵyt dep esepteımiz. Sondaı-aq Lıanıýngan teńiz portyndaǵy Qazaqstan-Qytaı termınalynyń, Sıan qurǵaq portynyń qýatyn iske qosýdy usynamyz», dedi ol.
Kezdesý barysynda taraptar sırek kezdesetin metaldardy óndirý jáne óńdeý salasyndaǵy yntymaqtastyq múmkindikterin talqylady. Vetnam delegasııasyna elektromobılderge arnalǵan lıtıı-ıon batareıalaryn óndirý úshin elimizdegi iri lıtıı ken oryndaryna nazar aýdarý usynyldy, bul Qazaqstannyń joǵary tehnologııalyq sektorynyń ósýine, al vetnamdyq avtoóndirýshilerge ózderiniń básekelestik artyqshylyqtaryn saqtaýǵa múmkindik beredi.
