Foto: Aqmola oblysy IID
Aqmola oblystyq IID baspasóz qyzmetiniń habarlaýynsha, jol-kólik oqıǵasy Almaty-Ekaterınbýrg tasjolynyń 1347-shaqyrymynda Túrgen aýylynyń mańynda bolǵan.
«Chevrolet Cobalt kóliginiń 33 jastaǵy júrgizýshisi rýldi basqara almaı, shuńqyrǵa aýdarylyp ketken. Oqıǵa saldarynan eki jolaýshy alǵan jaraqattarynan aýdandyq aýrýhanada kóz jumdy. Júrgizýshi men qalǵan eki jolaýshy ártúrli dárejede jaraqat aldy. Qazir saraptama taǵaıyndalyp jatyr», dep atap ótti polısııa departamenti.
Oblystyq polısııa qylmystyq is qozǵady. Jalpy basqarmanyń málimetinshe, jyl basynan beri oblysta 15 kólik aýdarylǵan. Úsh adam qaza taýyp, 16 adam túrli dárejedegi jaraqattar aldy.
Polıseılerdiń aıtýynsha, mundaı apattardyń birneshe sebebi bar. Olardyń biri − aýa raıynyń qolaısyzdyǵy. Sondaı-aq júrgizýshilerdiń rýlde uıyqtap qalýy jıi kezdesedi.
Qyrmyzy JUMAǴALIQYZY,
EUÝ stýdenti
