Elimizde «eGov mobile» mobıldi qosymshasy arqyly ınternet jelisin qosatyn yńǵaıly servıs iske qosyldy. Sıfrlyq damý, ınnovasııalar, aeroǵarysh ónerkásibi mınıstrliginiń málimdemesi boıynsha, bul ınnovasııalyq júıe «Ulttyq aqparattyq tehnologııalar» AQ-men birlese ázirlengen. Endi qyzmetti qalaı paıdalanýǵa bolady? Áýeli qosymshanyń «Servıster» bólimine ótip, sodan soń «Internetti qosý» tarmaǵyn tańdaısyz. Sosyn qajetti tarıfti tańdaǵan soń, «О́tinish berý» túımesin basyp, derekterdi rastasańyz, «Sizdiń ótinishińiz qabyldandy» degen habarlama keledi. Al eger úıińizde optıkalyq jeliler bolmasa, operator mamandary balama qosylym opsııalaryn usyný úshin bir saǵat ishinde habarlasady. Osylaısha, ınternetti qosý úderisi elimizdegi ár azamat úshin barynsha yńǵaıly jáne qarapaıym bola tústi.
