Foto: info.homsters.kz
Atap aıtqanda, Ulytaý oblysynyń ákimdigine Jezqazǵan qalasynyń Batys aýdanynyń jańa shaǵyn aýdanyna káriz jelilerin, magıstraldy sý qubyry men magıstraldy jylý jelisin salý úshin Úkimet rezervinen 4,8 mlrd teńgeden astam qarajat aýdarylady.
Oblys ortalyǵy mártebesin alǵannan keıin qalada Batys aýdany qarqyndy túrde damı bastady. Onda jańa turǵyn úıler men birqatar áleýmettik nysan, onyń ishinde 1200 orynǵa arnalǵan mektep qurylysy bastaldy (2024 jyldyń sońyna deıin paıdalanýǵa berý josparda bar). Qajetti ınjenerlik kommýnıkasııalardy ýaqtyly júrgizý barlyq belgilengen obektiniń tolyqqandy iske qosylýyn qamtamasyz etýge múmkindik beredi.
Aıta ketý kerek, jalpy Ulytaý oblysynda kommýnaldyq jelilerdiń tozý deńgeıin azaıtý jáne rekonstrýksııalaý boıynsha josparly jumystar júrgizilip jatyr. Keıingi kezde mynadaı nátıjelerge qol jetkizildi: uzyndyǵy 1314 shaqyrymnan asatyn sý qubyry jelileri boıynsha tozý deńgeıi 56,5-ten 51,2%-ǵa, sý burý jelileri boıynsha (539 km) – 74,6-dan 71,2%-ǵa, jylýmen jabdyqtaý jelileri boıynsha (639 km) – 60-tan 58%-ǵa deıin tómendedi.
Turǵyn úı-kommýnaldyq sektordy saýyqtyrý boıynsha keshendi jumys respýblıkanyń barlyq óńirinde júrgiziledi jáne Úkimet basshylyǵynyń tikeleı baqylaýynda.
