Foto: primeminister.kz
Vıse-premer atalǵan otyrystyń ótkizilýi Ortalyq Azııa elderiniń 2030 jylǵa deıingi turaqty damý maqsattaryn júzege asyrýǵa nıeti joǵary ekenin taǵy bir márte aıqyndaıtynyn atap ótti. Elimizde qabyldanǵan mindettemelerdi nátıjeli iske asyrý úshin Úkimet deńgeıinde Úılestirýshi keńes jumys isteıdi. Sonymen qatar Parlamentte Senat tóraǵasynyń jetekshiligimen turaqty damý baǵytyndaǵy ulttyq maqsattar men mindetterdiń oryndalýyn baqylaý jónindegi komıssııa qurylǵan bolatyn.
О́tken jyldyń qyrkúıek aıynda Prezıdent Qasym-Jomart Toqaev BUU sammıtine qatysyp, Almaty qalasynda Ortalyq Azııa men Aýǵanstan úshin turaqty damý maqsattary jónindegi óńirlik ortalyq ashýdyń qajettigin atap ótken bolatyn.
«Bas keńsesi Qazaqstanda ornalasqan Ortalyq Azııa boıynsha BUU Jahandyq kelisimshartynyń halyqaralyq keńsesiniń qurylýy osy aımaqtaǵy turǵyndardyń ál-aýqatyn jaqsartý maqsatynda elder arasynda tájirıbe almasýǵa úlken múmkindik beredi. Qazaqstandaǵy bıznes qaýymdastyqtyń turaqty damý maqsattaryn júzege asyrýda qyzyǵýshylyǵy joǵary. Byltyr Jahandyq kelisimshartqa 7 otandyq kompanııa múshe bolsa, búginde olardyń qatary 71-ge jetip otyr. Bul qadam Memleket basshysynyń Ortalyq Azııa men Aýǵanstan úshin turaqty damý maqsattary jónindegi BUU-nyń óńirlik ortalyǵyn ashý týraly bastamasyn júzege asyrýǵa sep bolmaq», dep atap ótti T.Dúısenova.
BUU Jahandyq kelisimsharty – Birikken Ulttar Uıymynyń 2000 jyly kótergen erikti bastamasy. Ol búkil álemdegi kásiporyndar men uıymdardy turaqty ári áleýmettik jaǵynan jaýapty saıasat ustanýǵa yntalandyrady. Kelisim negizgi 4 baǵytty qamtıdy: adam quqyqtary, eńbek, qorshaǵan orta jáne sybaılas jemqorlyqqa qarsy kúres. Turaqty damý maqsattary BUU Jahandyq kelisimsharty strategııasyna engizilip, negizgi baǵyty retinde qoldanylyp jatyr.
