Foto: qamshy.kz
«Endi memlekettik qazaq tilin qarapaıym deńgeıde, elimizdiń tarıhy men konstıtýsııasynyń negizderin bilmeıtindirge azamattyq berilmeıdi. Qajetti deńgeıdi Ǵylym jáne joǵary bilim mınıstrligi aıqyndaıdy. Túzetýler azamattardyń qoǵamǵa tez beıimdelýin kózdeıdi. Tildi bilý qoǵamǵa tezirek sińip, memleket ómirine aralasýy úshin qajet. Aıta ketý kerek, bul túzetýler álemdik tájirıbege saı», dedi Shyńǵys Alekeshov.
Kóptegen elderde azamattyq alý úshin memleket tarıhy men memlekettik tildi bilý boıynsha emtıhan tapsyrý qajet. Mysaly, Germanııada azamattyq alý úshin úmitkerlerge nemis tilin bilýge, mádenıeti men dástúrlerin saqtaýǵa joǵary talaptar qoıylady.
Kanadada tarıhty jáne jergilikti turǵyndardyń mindetterin bilý, sondaı-aq provınsııaǵa baılanysty aǵylshyn nemese fransýz tilderin biletindigin rastaıtyn test tapsyrý qajet.
Túrkııada azamattyq alý kezinde jalpyǵa ortaq negizde túrik tilin mindetti túrde bilý mindetteledi.
Tıisti zańǵa engizilgen talaptarda qos azamattyqty boldyrmaý úshin Qazaqstan azamattyǵynan aıyrýdyń jańa negizi de engizildi.
«Qazaqstan azamattyǵyn alǵannan keıin basqa memlekettiń pasporttaryn paıdalanǵan jaǵdaıda bizdiń elimizdiń azamattyǵy toqtatylady. Buǵan deıin shet memlekettiń azamattyǵyn alǵany úshin ǵana Qazaqstan azamattyǵy toqtatylatyn edi», dedi IIM resmı ókili.
