Foto: olympic.kz
Jaýapty básekede Parıj olımpıadasyna joldama jeńip alý úshin elden 6 boksshy Taılandqa jol tartty.
Onyń ishinde erler arasynda 63, 5 kg salmaq dárejesinde synǵa túsetin Muhamedsabyr Bazarbaıuly men sparrıngtik jekpe-jekterde 5 salmaq boıynsha top bastaǵan qyzdar quramasy bar.
Olar:
50 keli. Nazym Qyzaıbaı
54 keli. Uljan Sársenbek
60 keli. Rımma Volosenko
66 keli. Natalıa Bogdanova
75 keli. Valentına Halzova
«Bul ekinshi álemdik lısenzııalyq týrnırge 133 komandadan 600 boksshy qatysýǵa ótinish bildirgen. Parıj Olımpıadasyna 13 salmaq dárejesinde 248 joldama qarastyrylǵan, sonyń ishinde, sońǵy lısenzııalyq týrnırde qalǵan 51 joldama úlestiriledi (23 áıel, 28 er)», delingen Qazaqstan boks federasııasynyń habarlamasynda.
