Foto: primeminister.kz
Sýdy únemdeıtin jańa tehnologııa
О́ndiristik tehnıka 3 myń sharshy metr aýmaqqa ornalastyrylǵan. Bul – elimizde sý únemdeý tehnologııalaryn keńinen qoldaný úshin sý shashyratqysh mashınalardyń tolyq sıklin óndirýdi jolǵa qoıýǵa múmkindik beretin iri jáne kóp mıllıardtyq ınvestısııalyq joba. Alaıda búgingi tańda kompanııa Qazaqstan rezıdenti retinde kúshti salyq júktemesine tap bolyp otyr. Kásiporyn dırektory Nııazalı Beısenbaevtyń aıtýynsha, naryqta usynylǵan sheteldik kompanııalardyń bul turǵyda birqatar artyqshylyǵy bar. Mysaly, Qazaqstan rezıdenti emes kompanııamen jasalatyn kelisimsharttardyń kópshiligi QQS jáne basqa da memlekettik baj salyqtarynan bosatylǵan.
«Qazaqstanǵa óz óndirisindegi jańbyrlatqysh mashınalar qajet ekeni sózsiz. Biz otandyq óndirýshige basqa óńirlerde sý únemdeý tehnologııalaryn engizý úshin tehnıka satyp alý bóliginde qoldaý kórsetemiz. QQS tóleýge keletin bolsaq, Aýyl sharýashylyǵy mınıstrligine bul máseleni tezirek sheshý úshin barlyq múddeli memlekettik organmen keńes ótkizýdi tapsyramyn», dep jaýap berdi kásiporyn dırektoryna S.Jumanǵarın.
Jalpy, tamshylatyp sýarý jáne elıtalyq suryptardyń tuqymyn sebý negizinde maqta-toqyma klasterin qurý maqta ósirýge arnalǵan aýmaqty qysqartýǵa jáne qazirgi zamanǵy standarttardaǵy toqyma óndirisi úshin joǵary sapaly shıkizat jınaýdy birneshe ese arttyrýǵa múmkindik beredi. О́z kezeginde jańbyrlatqysh mashınalar óndirisi ekstensıvti eginshilikpen aýmaqty azaıtýǵa jáne ylǵal súıgish daqyldardyń ónimdiligin arttyrýǵa kómektesedi.
Ekinshi iri ónerkásip nysany – «Lihua Spinning Technology Co., Ltd» JShS tartylǵan «Túrkistan» ÁKK men «Altyn dala maqta» JShS birlesken jobasy, keńesshi retinde qytaılyq maqta-toqyma klasteri. Joǵary sapaly shıkizatty ósirýden bastap, juqa matadan jasalǵan kıimder men joǵary sapaly úı toqyma buıymdaryn óńdeý men óndirýge deıin óndiristiń tolyq sıklin qurýdy qamtamasyz etedi. Kásiporyn oblysta alǵash ret tamshylatyp sýarý júıelerin ornatyp, 1 myń gektardan astam aýmaqqa maqtanyń elıtalyq suryptarynyń tuqymyn septi. Munda jergilikti turǵyndar arasynan 50-den astam adam jumys istep jatyr. Kezeń-kezeńmen plastıkalyq qubyrlar, tamshylatyp sýarý júıeleri, maqta óńdeý boıynsha eki zaýyt, ıirý, toqý fabrıkalary jáne klasterdiń basqa da josparlanǵan obektilerin óndiretin zaýytty paıdalanýǵa bere otyryp, kásiporyn 4 myńnan astam jumys ornyn quryp, al tutynýshylardy – joǵary sapaly matalarmen jáne toqyma ónimderimen qamtamasyz etedi.
90%-dan astam jer marokko shegirtkesine qarsy óńdeldi
Sonymen qatar Premer-mınıstrdiń orynbasary Túrkistan oblysyndaǵy shegirtkege qarsy jappaı óńdeý jumystary júrgizilip jatqan aýdandardyń egis alqaptaryn aralap kórdi.
Túrkistan oblysy egistik alqaptarynyń kólemi boıynsha elimizdegi top-3 aımaq qataryna kiredi. О́ńir birinshi bolyp shegirtkeniń eń qaýipti túri – marokko shegirtkesine qarsy belsendi kúres kezeńin bastady.
Barlyǵy 272 myń gektar jer óńdeledi. Onyń 252 myń gektary 19 mamyrǵa deıin óńdeldi, bul óńdeý jumystary josparlanǵan jerdiń 93%-y. Qalǵan 20 myń gektarda taıaý kúnderi óńdeý jumysy aıaqtalady.
О́ńirdegi úlken alqaptardy óńdeý jumystaryna 360-tan astam adam tartylǵan. Olardyń qatarynda Túrkistan jáne basqa da oblystardyń aýdan-qalalarynan kelgen ınspektorlar, mamandar, boljaý ortalyǵynyń qyzmetkerleri, sondaı-aq máselege beıjaı qaramaıtyn jergilikti turǵyndar da bar. Jumystar jaıaý, kólikte, ushaqtar men drondar arqyly júrgizilip jatyr. Barlyǵy 162 myń ga jerden, 107 myń ga aýadan, 1 myń ga rıýkzak túrindegi búrikkishpen, 1,4 myń ga drondar arqyly óńdelýde.
Serik Jumanǵarın shegirtkege qarsy óńdeý mehanızmderi men ádisterin zerttep, zııankesterge qarsy jumystardyń barlyq sıklin júrgizetin merdigerlermen preparattardy jetkizý, saqtaý jáne óńdeý jumystary jóninde pikir almasty.
Eske sala keteıik, Túrkistan oblysynda búkil qyzmet sıklin bir merdigerdiń kórsetýi qanatqaqty joba retinde synaqtan ótip jatyr. Keler jyly elimizde shegirtkege qarsy kúres qyzmetterin ortalyqtandyrylǵan biryńǵaı júıede satyp alýǵa kóshý josparlanyp otyr.
