Aqyn – jalaýly jasyl dúnıede az ǵana ǵumyr keshse de, artyndaǵy qara ormandaı qalyń eline mol mura qaldyrǵan qalamger. Marfýǵanyń baı murasyn shashaý shyǵarmaı jınaqtap, sóz ónerin syılap ósken elge tanystyryp, tabystyryp júrgen jary Esengeldi Súıinov.
Týǵan jerinde qurmettelip, kóshe ataýynyń berilýi aqynǵa ǵana emes, óleń sózdiń ókiline degen shynaıy qurmet desek, artyqtyǵy bolmas.
Saltanatty rásimde qala ákimi Ashat Muhamedjanov, oblystyq mádenıet basqarmasynyń basshysy Aıgúl Sábıtova, «Amanat» partııasy Aqmola oblystyq fılıalynyń qyzmetkeri Aqmanat Álimbetova, Qazaqstannyń eńbek sińirgen qaıratkeri Oraz Qaýǵabaı, jazýshy Asylbek Baıtanuly, aqyn Qudaıberli Myrzabek tárizdi azamattar qatysyp, Marfýǵa Bektemirovanyń shyǵarmashylyǵy týraly aıtyp berdi. Marfýǵanyń osy Shýchınsk qalasyndaǵy mektep-ınternatta oqyp, bilim alǵandyǵyn aıta ketýimiz kerek.
Kesh barysynda aqynnyń júrek tebirenter órshil óleńderi oqyldy. «Jan dúnıemniń jańǵyryǵy» taqyrybyndaǵy kitap kórmesi uıymdastyryldy. Osylaısha, oıly jannyń kókiregine kóp-kórim sezim sáýlesin sebezgiletetin shyraıly is-shara uıymdastyrylyp, týǵan eli aqyn tuǵyryn bıigine kóterdi.
Aqmola oblysy,
Býrabaı aýdany
