Foto: freepik.com
«Naýryz» baǵdarlamasy boıynsha ótinimder jumys kúnderi saǵat 9.00-den 21.00-ge deıin qabyldanady. Baspana market platformasy (otbasybank.kz) saǵatyna orta eseppen 400 ótinimdi qabyldaýǵa qabiletti. Úsh kún burynǵy jaǵdaı boıynsha barlyǵy 17 432 adam ótinim joldady. 8 945-i sátti qabyldandy. Olardyń jartysy turǵyn úıge kezekte turǵan halyqtyń áleýmettik osal top ókilderinen túsken. 2 436 ótinim qabyldanbaı, keri qaıtaryldy. Sebebi klıent depozıtinde 1 mln teńge mólsherindegi qajetti soma joq bolyp shyqqan. Bul – «Naýryz» baǵdarlamasyna qatysýdyń negizgi sharttarynyń biri», dedi L.Ibragımova.
Oǵan qosa turǵyn úıi bar adamdardyń da ótinimi qabyldanbaǵan. Taǵy 5 008 ótinim is úderisinde eken.
«Qatysýshylardy dúrliktirmeý úshin ótinimderdi qabyldaý merzimi barynsha uzartyldy. Endi úmitkerlerdiń maýsym aıynyń sońyna deıin taǵy bir jarym aı ýaqyty bar. Sondaı-aq ótinim berý kúni men ýaqyty upaı sanaǵanda eskerilmeıtin boldy. О́tinim qabyldaý merzimi aıaqtalǵannan keıin saralaý bastalady. Baǵdarlamaǵa qatysýshylar tizimine eń kóp upaı jınaǵan úmitkerler ǵana kiredi», deıdi.
«Otbasy bank» AQ basqarýshy dırektory Jansultan Mataıdyń aıtýynsha, eger eki qatysýshynyń upaı sany sáıkes kelse, onda tizimge engizý kezinde basymdyq salym somasy kóp jáne jınaqtaý merzimi uzaǵyraq adamǵa beriledi.
«Pýlǵa kirgen qatysýshylardyń nesıege ótinim berýge taǵy 2 aı ýaqyty bolady. Zaem boıynsha maquldaý alǵan úmitkerdiń baspana izdeýge 6 aı ýaqyty bar», deıdi.
Aıta keteıik, «Naýryz» baǵdarlamasy aıasynda alǵashqy jarna 20%-dan bastalady. Turǵyn úı kezeginde turǵan azamattardyń áleýmettik osal sanattary úshin kredıt mólsherlemesi – 7%, azamattardyń barlyq sanaty úshin nesıe mólsherlemesi – 9%, jalpy nesıe merzim 19 jylǵa deıin.
Baǵdarlamada bastapqy baspanany jóndeý jumystaryna da aqsha alýǵa bolady. Bastysy, jóndeýge arnalǵan qaryz somasy turǵyn úı satyp alýǵa arnalǵan kredıttiń jalpy somasynyń 20%-ynan aspaýǵa tıis. Biraq qaryzdyń eń joǵary somasy sheginde. Sondaı-aq páterdi Baspana market portalynan tańdap, brondaý múmkindigi de bar. Bul qyzmet turǵyn úı baǵasynyń jasandy ósýine jol bermeýge arnalǵan.
