Atap aıtqanda, terrorıstik ne ekstremıstik, kámeletke tolmaǵandardyń jynystyq tıispeýshiligine qarsy qylmys jasaǵandardy, sondaı-aq Qazaqstan qatysatyn halyqaralyq sharttarda kózdelgen aýyr jáne asa aýyr qylmys jasaǵan adamdardy Qazaqstan azamattyǵyna qabyldaýdan bas tartýmen qatar, tipti elge kirgizýge de tyıym salýdy kózdeıtin ózgerister men tolyqtyrýlar – memleketimizdiń múddesin qorǵaýdaǵy aıryqsha qadam.
Bul is-sharalar el basshylyǵynyń qazirgi tańdaǵy qylmystylyqtyń keı túrlerine qatysty konseptýaldy ustanymymen sabaqtastyq taýyp otyr. Sonymen birge muny terrorıstik jáne ekstremıstik, sondaı-aq kámeletke tolmaǵandardyń jynystyq tıispeýshiligine qarsy qylmystardyń etek alýyna zańgerlerdiń nazar aýdarýy retinde de qabyldaýǵa bolady.
El azamattyǵyn alýǵa nıetti adamnyń memlekettik tildi qarapaıym deńgeıde bilýin jáne el tarıhyna qatysty jetkilikti deńgeıde biliminiń bolýyn talap etý álem tájirıbesinde bar. Kóptegen úlkendi-kishili memleket ulttyq qundylyqtaryna qatysty mundaı talaptardy burynnan qoıyp keledi. Bul sharttardyń oıdaǵydaı iske asyrylýy qoǵamdaǵy áralýan áleýmettik qaqtyǵystardyń, ártúrli áleýmettik top arasyndaǵy túsinispeýshilikterdiń aldyn alýǵa jáne ulttar arasyndaǵy yntymaqtastyq pen tatýlyqty arttyrýǵa septigin tıgizedi. Sonymen qatar bul shara belgili bir dárejede óz azamattarymyzdyń da múddeleriniń eskerilgendigin kórsetedi.
Nurlan NIETÝLLAEV,
zańger
