Kóshi-qonnyń tyń múmkindikteri

Zań negizinde elimizdiń halqy tyǵyz óńirlerinen jumys kúshi tapshy oblys­tar­ǵa, soltústikke qonys aýdarý­shylarǵa jáne olardyń otbasy múshe­le­rine memlekettik qoldaý retinde kó­shýge sýbsıdııa, turǵyn úı jaldaý, kom­mý­naldyq qyzmet tólemderiniń shy­ǵyn­da­ryna ótemaqy qarastyrylady. Ol úshin bank­terde arnaıy esepshot ashy­lyp, qara­jat aýdarylady. Olar ári qaraı sol aqshany paıdalanyp, jumysqa tu­ryp, ómirin jalǵastyrady. Oǵan qosa eko­no­mıkalyq mobıldilik sertıfıkattary sekildi materıaldyq kómek kórsetiledi.

Al jer ýchaskesi qujatqa sáıkes qo­nys aýdarýshylarǵa Úkimet aıqyn­da­ǵan óńirlerde sharýa nemese fermer qojalyǵyn júrgizý úshin jer ýchaskeleri konkýrstan tys tártippen 5 jylǵa deıingi merzimge ýaqytsha qysqamerzimdi aqyly jer paıdalaný (jalǵa alý) quqyǵymen beriledi. Eger 5 jyldan keıin osy azamat sol mekende qalýdy uıǵarsa, shart uzaq merzimge jasalady. Al bastapqy bes jyl merzim ishinde ol sol óńirden kóship ketse, onda jasalǵan sharttar toqtatylady.

Sondaı-aq bizge Iran, Aýǵanstan, Túrkııa, Túrikmenstannan kelip jat­qa­n etnostyq qazaqtardyń tól qu­jat­tarynda ulty kórsetilmeıdi. Bul bizge qıyndyq týdy­ratyn. Jańa qujatqa sáıkes Eńbek jáne halyqty áleýmettik qorǵaý mınıstrligine jáne jergilikti atqarýshy organdarǵa tıisti qu­zyret bekitildi. Osy norma negizinde mı­nıstrlik arnaıy qaǵıdany ázirlep jatyr. Iаǵnı qandas mártebesin berý ereje­si qarastyrylyp jatyr.

Jergilikti atqarýshy organdarda qandas mártebesin beretin arnaıy komıs­sııalar áńgimelesý barysynda ótinish berý­shiniń shyqqan tegine qatysty saýal­dar joldaý arqyly kóz jetkizedi. Komıs­sııa kúmándanǵan jaǵdaıda arnaıy sa­rap­tama jasalady. Ol shamamen 45 myń teńgeni quraıdy. Ári bul qarjyny ótinish berýshi óz qaltasynan tóleıdi.

Aıta keterligi, qandastar arasynda ǵylymı dárejesi bar ǵa­lymdar nemese zertteýshiler bolýy múm­kin. Olarǵa Úkimet aıqyndaǵan óńirlerde 5 jyl turý bekitilmeıdi. Jumys barysyn­da ózge aımaqtarǵa barý kerek bolyp jatsa, qarajatty qaıtarý máse­lesi qarastyrylmaıdy. Negizi mun­daı jaǵdaı kóp kezdese bermeıdi, máselen, ót­ken jyly osyndaı bir ǵana azamat qan­das mártebesin alýǵa keldi.

Buǵan qosa jesir áıelderdiń kú­ıeýi kezinde etnostyq qazaq bolsa, aza­mat­tyq alý múmkindigi kózdelgen. Olar nor­ma­ǵa sáıkes kvotaǵa tirkelip, Úkimet qarajatyn ala alady.

Asqarbek ERTAEV,

Eńbek jáne halyqty áleýmettik qorǵaý mınıstrligi Kóshi-qon komıtetiniń tóraǵasy