Qazaqstan – Germanııa: Parlamentaralyq yntymaqtastyq

Senator Evgenıı Bolgert Qazaq­stan men Germanııa depýtat­ta­ry­nyń ynty­maqtastyǵy par­la­ment­ara­­lyq baılanys­tardy damytýǵa yqpal etetinin jetkizdi. Sondaı-aq Qazaqstan Parlamenti men Býndes­tag­tyń basshylyǵy jáne depýtatta­ry­ deń­geıinde budan bylaıǵy sapar almasý bizdiń elderimizdiń strategııalyq árip­tes­­tigin tereńdetetini týraly aıtyldy.

«Biz parlamentaralyq yntymaq­tas­tyqpen qosa GFR-men tájirıbe almasýǵa da múddelimiz. Biz Germanııa basshylyǵynyń elimizge jáne Orta­lyq Azııaǵa degen ynta-yqylasyn baǵa­laımyz. Sonymen qatar buryn siz­diń partııańyz Býndestagtaǵy par­la­­­m­­­enttik fraksııasy baǵyt-baǵdar tur­­ǵy­synda «Ortalyq Azııa: kópir salý jáne múmkindikter berý» quja­tyn qabyldaǵan bolatyn. Onda kór­setil­gen tásilderdi iske asyrý GFR-nyń Qazaq­stanmen yntymaqtastyǵyn damy­týǵa zor serpin berer edi», dedi senator E.Bol­gert.

Senatorlar kezdesý barysynda Memleket basshysy Qasym-Jomart Toqaevtyń basshylyǵymen Qazaqstanda júrgizilip jatqan aýqymdy qoǵam­dyq-saıası jáne áleýmettik-ekonomıka­­­lyq jańǵyrtý saıasaty týraly áriptesi­ne aıtyp berdi. Qatysýshylar energetıka, ınvestısııa, jasyl ekonomıkany damytý jáne t.b. salalardaǵy ekijaqty yntymaqtastyqtyń keleshegin talqylady.