Iri kompanııalar úı salýǵa kómektesedi

Olar Oral qalasynyń sý basqan saıajaı massıvterin aralap, sý tasqynynan zardap shekkenderge arnalǵan úıler salynyp jatqan Terekti aýdanynyń Podstepnoe aýlyna bardy, sondaı-aq eva­kýasııalyq pýnkttegi jergilikti turǵyndarmen kezdesti.

О́ńirdegi sý tasqyny jaǵdaıy aıtar­lyq­taı turaqtandy. 8,5 myńnan astam adam úıine oraldy. Komıssııa úı­lerdi tek­serýdi jáne zalaldy baǵa­laý­dy jal­ǵa­s­tyryp keledi. Aldyn ala máli­metter bo­ıynsha 466 JTQ jáne jal­ǵyz turǵyn úı bolyp tabylatyn 2,5 myń­nan asa saıa­jaı úıi jóndeýge jat­paıdy.

Qanat Bozymbaev úıler men saıajaılardy baǵalaý men tehnıkalyq tekserýdi aıdyń sońyna deıin aıaqtaýdy tapsyrdy.

Syrym, Qaratóbe, Terekti, Bórli jáne Báıterek aýdandarynda 357 úıdiń qurylysy bastaldy. Ákimdik merdigerlik uıymdardy anyqtady. Úıler tamyz aıynyń sońyna deıin aıaqtalady dep josparlanyp otyr. Syrym aýdanynda jalpy somasy 3,2 mlrd teńgege 114 úıdiń qurylysyn «Qazaqstan halqyna» qory qarjylandyrady. 75 úıdi jergilikti jer qoınaýyn paıda­lanýshy kompanııalar salady: «Jaıyqmunaı», «Kondensat» jáne «Aqsaı­GazServıs». Taǵy 71 turǵyn úıdi «Qara­­­shyǵanaq Petroleým Ope­reı­tıng» kom­panııasy «Aqjaıyq» qory arqy­ly salady.

Jalǵyz baspanasynan aıyrylǵan saıa­^­jaı turǵyndarynyń máselesine erekshe nazar aýdaryldy.

«Qala ákimdigine jaz bitkenshe saıa­jaı turǵyndaryna arnap turǵyn úı salý nemese satyp alý tapsyryldy. Aı­ta keteıik, burynǵy jerde úı­ler salyn­baıdy. Oıpatty jerlerde JTQ salý­ǵa tyıym salynady»,  dedi Batys Qazaq­stan oblysynyń ákimi N.Tóre­ǵalıev.

Qanat Bozymbaev júrgizilip jatqan jumystardy jedeldetýdi tapsyrdy.

«О́ńirge kórsetiletin kómekti eskere otyryp, zardap shekken árbir otbasyn qoldaý sharalarymen dereý jáne artyq áýre-sarsańsyz qamtyp, barlyq tıisti tólemderdi júzege asyryp, turǵyn úı qurylysyn bastaýǵa kirisý qajet»,  dep tapsyrdy Q.Bozymbaev oblys ákim­di­ginde ótken keńes barysynda. 

Sondaı-aq keńeste memleket tara­pynan qarjylaı qoldaý kórsetý máselesi qaraldy.