Foto: instagram/ gaueznurmukhambetov
«Biz qatań zań aıasynda áreket etýimiz kerek. Bul «qyzyl aımaq» máselesine de qatysty. Sý basqan aýmaqtan ketkisi keletin turǵyndardy túsinemin. Degenmen, Beskóldegi zardap shekken úıler tehnıkalyq baıqaýdyń qorytyndysy boıynsha jóndeledi nemese buzylady. QR Parlamenti Senatyna Esil ózeniniń jaǵalaýynan qurylys júrgizýge tyıym salynǵan aımaqty 100 metrden 1 shaqyrymǵa deıin keńeıtý týraly usynyspen hat joldadyq. Bul máselelerdi zań júzinde bekitý kerek», dedi oblys ákimi.
Ákimniń aıtýynsha, sý tasqyny kezinde oblysta 3898 úı zardap shekti. Olardy baǵalaý jáne tehnıkalyq tekserý boıynsha barlyq jumystar aıaqtaldy. Sondaı-aq 25 mamyrǵa deıin smetalyq qujattamany berý, tehnıkalyq baıqaý jáne turǵyn úıdi baǵalaý jumystarynyń aıaqtalatynyn atap ótti.
«Turǵyn úı máselesin sheshý úshin «Solnechnyı-2» shaǵyn aýdanynda 520 turǵyn úı salynyp jatyr. Turǵyndardy bıylǵy sý tasqyny saldaryna baılanysty bóget salý máselesi alańdatty. Mamandardyń jobalyq sheshimi boıynsha kúrdeli bógetterdi salamyz. Barlyq másele meniń jeke baqylaýyma alyndy», dep jazdy Ǵaýez Nurmuhambetov.
Qyrmyzy JUMAǴALIQYZY,
EUÝ stýdenti
