Foto: Astana ákimdigi
Astana qalasy ákimdiginiń «Januıa otbasy ınstıtýtyn qoldaý ortalyǵy» KMM uıymdastyrǵan is-sharaǵa múgedek balalardy tárbıelep otyrǵan analar, ortalyqtyń súıemeldeýindegi az qamtylǵan otbasylar qatysty.
«Januıa» otbasy ınstıtýtyn qoldaý ortalyǵynyń Uıymdastyrý jumystary bóliminiń basshysy Zúlfııa Sádýaqasova is-sharanyń basty maqsaty qýanyshty, merekelik jáne meıirimdi atmosfera qurý ekenin aıtty.
«Biz is-sharaǵa qatysýshylardyń merekege belsendi qatysýǵa degen umtylysyn oıatýǵa tyrystyq, óıtkeni konserttik baǵdarlamadan basqa, olar úshin anımatorlarmen oıyn-saýyq, toqý boıynsha sheberlik sabaq, sondaı-aq tátti taǵamdar daıyndadyq. Bizdiń aýdıtorııa – kóp balaly otbasylar, ómirlik qıyn jaǵdaıǵa tap bolǵan adamdar. Búgingi is-sharaǵa olar tikeleı qatysty, konserttik baǵdarlamada eresekter de, balalar da óner kórsetti, osylaısha, ózderiniń shyǵarmashylyq áleýetin ashty. Bizdiń ortalyqtan basqa, is-sharany uıymdastyrýǵa Astananyń áıelder isteri jáne otbasylyq-demografııalyq saıasat jónindegi komıssııasy qatysty. Bizdi Saryarqa aýdanynyń ákimdigi men toqý boıynsha sheberlik sabaǵyn uıymdastyrǵan «Sheberlik joly» QQ qoldady», dedi Zúlfııa Sádýaqasova.
Múgedek balany tárbıelep otyrǵan kóp balaly ana Jazıra Orynbaeva «Januıa» otbasy ınstıtýtyn qoldaý ortalyǵynda psıhologııalyq jáne zańgerlik keńes alatynyn aıtty.
«Sondaı-aq men áleýmettik qorǵaý, balabaqshaǵa kezekke turý, baspana alý máseleleri boıynsha tegin keńes alamyn. Bizge azyq-túlik jáne keńse taýarlary túrinde demeýshilik kómek kórsetiledi. Ortalyqta ártúrli merekelerge konsertter men basqa da is-sharalar uıymdastyrylady, olarǵa biz de qatysamyz. Búgin meniń qyzdarym óner kórsetti, olar ándi oryndady jáne bıledi, sol úshin syılyqtar aldy. Men Ortalyqtyń qyzmetkerlerine alǵysymdy bildiremin, olar árdaıym kezdesip, qoıylǵan barlyq suraqtarǵa saýatty jáne durys jaýap berip, qalaı áreket etý kerektigin aıtady», dedi kópbalaly ana.
