Foto: Vıdeodan alynǵan kadr
Oqıǵanyń vıdeosy áleýmettik jelide tarady. Túnde beıtanys er adam spaǵa kirip, syra satýdy suraǵan. «Alkogoldik ishimdik satpaımyz» degen jaýap alǵan sheteldik azamat qyzmetkerdi balaǵattap, odan keıin qabyldaý bólmesine baryp, basynan uryp, shashynan julqylaǵan.
Almaty qalalyq polısııa departamenti uryp-soǵý faktisi boıynsha tergeý júrip jatqanyn aıtty.
«Áıelge dene jaraqatyn keltirgen er adam qamaýǵa alyndy. Ol Tájikstan azamaty. Alǵan jaraqatynyń aýyrlyǵyn anyqtaý maqsatynda sot-medısınalyq saraptama taǵaıyndaldy», dep habarlady qalalyq polısııa departamentiniń baspasóz qyzmeti.
Sondaı-aq polıseıler mundaı qoǵamǵa jat áreketterge jol berilmeıtinin jáne qatań jaýapkershilikke tartylatynyn, árbir faktige polısııa túbegeıli quqyqtyq baǵa beretinin eskertedi.
Qyrmyzy JUMAǴALIQYZY,
EUÝ stýdenti
