foto: inbusiness.kz
Mınıstrdiń aıtýynsha, Qazaqstan óz aldyna kólik tehnıkasy men jabdyqtaryn shyǵarýdy kezeń-kezeńimen arttyrý mindetin qoıyp otyr.
«Bıylǵy shaǵyn túıindi qurastyrýdy 20 paıyzǵa arttyrý kerek, 2025 jyly - 30 paıyz, al 2026 jyly biz shaǵyn túıindi qurastyrýmen jınalatyn avtomobılderdiń 50 paıyzyna jetemiz», dedi Qanat Sharlapaev Senat otyrysynda.
Qazaqstanda jylyna 160 myń avtomobıl shyǵaratyn eki zaýyt salynady. Olardyń biri jylyna 90 myń avtokólikti quraıtyn qytaılyq mýltıbrendtik brendterdi shyǵarady. Sharlapaevtyń aıtýynsha, barlyq kólik shaǵyn jınaqtaý ádisimen shyǵarylady.
«Mindet – shaǵyn jınaqtaý óndirisiniń kólemin kezeń-kezeńmen arttyrý. Mende 5 jyldan keıin avtomobıl naryǵynyń baǵasy qalaı qalyptasady degen naqty boljam joq. Biraq biz kólikterdi jetkilikti mólsherde shyǵarsaq, árıne, baǵa tómendeıdi», dep qosty mınıstr.
Esterińizge sala keteıik, sáýir aıynda 13 342 birlik jeńil jáne jeńil kommersııalyq kólik, sondaı-aq 855 júk kóligi men avtobýs satylǵan (ótken jyldyń sáýir aıymen salystyrǵanda 1,2 paıyzǵa az). Úzdik bestikke Hyundai, Kia, Chevrolet, Chery, Jac markalary kirdi.
