Foto: urpalata-ymitkrg.kz
Aksııa halyqtyń quqyqtyq saýattylyǵyn arttyrýǵa jáne azamattarǵa tegin zańgerlik keńes berýge baǵyttalǵan. Oǵan advokattar, notarıýstar, sýdıalar, prokýrorlar, tergeýshiler, sot oryndaýshylary, polıseıler, Sybaılas jemqorlyqqa qarsy qyzmet, ádilet, salyq organdarynyń, jyljymaıtyn múlikti tirkeý basqarmasynyń qyzmetkerleri qatysady.
Aıta keteıik, «Halyq zańgeri» aksııasy birneshe jyldan beri dástúrli túrde ótkizilip keledi. 2016-2023 jyldar aralyǵynda aksııaǵa 8000-nan astam úzdik sarapshy jáne memlekettik organdardyń sheshim qabyldaı alatyn quzyretke ıe ókilderi qatysqan. Aksııa sheńberinde 165 000-nan astam azamat quqyqtyq keńes alǵan.
Turǵyndarǵa quqyqtyq keńes berýdi kózdeıtin shara 30 mamyr kúni saǵat 17:00-de, Baýyrjan Momyshuly dańǵyly, 5 mekenjaıynda ornalasqan Ál-Farabı atyndaǵy Oqýshylar saraıynda ótedi.
