Foto: tolqyn.kz
«Bıyl birinshi ret bilim alýshylardyń oqý baǵdarlamalaryn ıgerýin, oqý jáne jazý saýattylyǵyn aıqyndaý maqsatynda 5-8,10 synyptar úshin 31 mamyrǵa deıin qazaq tilinen emtıhandar ótedi. Emtıhannyń naqty ýaqytyn oqý oryndary ózderi belgileıdi. Emtıhan eki bólikten turady: jazbasha jáne aýyzsha. Oqýshylar esse jazady, sondaı-aq, mátindi oqý, áńgimelesý jáne mátindi tyńdap túsiný boıynsha óz sheberlikterin kórsetedi», dep habarlady mınıstrlik.
9-synyp oqýshylary úshin bitirý emtıhandary 29 mamyr men 10 maýsym aralyǵynda, 11-synyp oqýshylary úshin 28 mamyr men 11 maýsym aralyǵynda ótedi.
«Aqtóbe oblysynan 9 mektep, Atyraý oblysynan 20 mektep jáne Soltústik Qazaqstan oblysynan 5 mektep oqýshylary bul óńirlerde tabıǵı sıpattaǵy tótenshe jaǵdaı jarııalanýyna baılanysty aralyq jáne qorytyndy attestasııalaýdan bosatyldy», dep habarlady vedomstvonyń baspasóz qyzmeti.
Nátıjesinde qorytyndy attestasııadan barlyǵy 340 myńnan astam 9-synypty bitirýshiler, 186 myń 11-synypty bitirýshiler ótedi.
Qyrmyzy JUMAǴALIQYZY,
EUÝ stýdenti
