Foto: Senattyń baspasóz qyzmeti
Palatanyń aldaǵy otyrysynda «Organıkalyq ónim óndirisi jáne aınalymy týraly» zań jáne oǵan ilespe «Qazaqstan Respýblıkasynyń keıbir zańnamalyq aktilerine organıkalyq ónim óndirisi jáne aınalymy máseleleri boıynsha ózgerister men tolyqtyrýlar engizý týraly» jáne «Qazaqstan Respýblıkasynyń Ákimshilik quqyq buzýshylyq týraly kodeksine ózgerister men tolyqtyrýlar engizý týraly» alty zań qaralady. Bul zańdardyń erejeleri otandyq azyq-túlik óndirýshilerdi organıkalyq ónim óndirýge yntalandyrýǵa jáne olardyń syrtqy naryqtaǵy básekege qabilettiligin arttyrýǵa baǵyttalǵan.
Sonymen qatar otyrysta depýtattar ǵylym salasynyń strategııalyq, kásiptik jáne áleýmettik máselelerin sheshýge, ǵylymı kadrlar daıarlaýǵa laıyqty jaǵdaı jasaýǵa, sondaı-aq, ǵylymı qyzmetkerdi áleýmettik qorǵaý kepildikterin iske asyrýǵa arnalǵan «Ǵylym jáne tehnologııalyq saıasat týraly» zańdy jáne oǵan ilespe «Qazaqstan Respýblıkasynyń keıbir zańnamalyq aktilerine ǵylym jáne tehnologııalyq saıasat, platformalyq jumyspen qamtý jáne memlekettik baqylaý máseleleri boıynsha ózgerister men tolyqtyrýlar engizý týraly» jáne «Salyq jáne bıýdjetke tólenetin basqa da mindetti tólemder týraly» QR Kodeksine (Salyq kodeksi) jáne «Salyq jáne bıýdjetke tólenetin basqa da mindetti tólemder týraly» QR Kodeksin (Salyq kodeksi) qoldanysqa engizý týraly» QR Zańyna ózgerister men tolyqtyrýlar engizý týraly» zańdardy pysyqtaıdy.
Aıta keteıik, Bıýro otyrysynda Májilisten kelip túsken zańdar jumys úshin turaqty Komıtetterge bólinip berildi.
Qyrmyzy JUMAǴALIQYZY,
EUÝ stýdenti
