Foto: Ǵaısaǵalı Seıtaq/Kazinform
Oral qalasy ákiminiń orynbasary Azamat Halelovtyń aıtýynsha, 130 baý-baqsha seriktestiginde turatyn jeti myńnan astam saıajaı ıeleri birjolǵy áleýmettik kómek aldy. Onyń aıtýynsha, tehnıkalyq baıqaý jumystarymen 7 kompanııa men 29 sarapshy aınalysady.
«Bul saıajaılar 2500-ge jýyq azamattyń jalǵyz baspanasy bolǵan. Komıssııa qazirdiń ózinde 1000-ǵa jýyq úıdi saraptap, onyń 650-ine qorytyndy shyǵardy, soǵan sáıkes 287 úı jóndeýdi qajet etedi, 352 úı qaýipti dep tanyldy. Saıajaı ýchaskeleriniń kópshiligin áli de sý basqan. Sondyqtan sýdy syrtqa shyǵarmaı tehnıkalyq tekserý nemese baǵalaý júrgizý múmkin emes», deıdi A.Halelov.
Ákimniń aıtýynsha, jalǵyz baspanasy jaramsyz dep tanylǵan turǵyndarǵa qaladaǵy shaǵyn aýdandarda salynyp jatqan turǵyn úılerden baspana beriledi. Sondaı-aq ekinshi naryqtaǵy ǵımarattardaǵy páterler de satyp alynady.
«500-ge jýyq saıajaıdyń qujaty rásimdelmegen. Saıajaı kooperatıvteriniń tóraǵalary bergen múshelik kitapshalary boıynsha saıajaı úılerinde turyp jatqan otbasylar bar. Sondaı-aq úılerin satqandar nemese buzǵandar bar, biraq olardyń úıleri áli kúnge deıin tizimde tur. Kópbalaly otbasylar jataqhanada bir bólmeli páterge ıe bolýy múmkin. 700-ge jýyq úı ıesiniń múliktik úlesi bar. Osynyń barlyǵyn komıssııa qarap, qorytyndy shyǵarady», dedi A.Halelov.
Qyrmyzy JUMAǴALIQYZY,
EUÝ stýdenti
