Phenıan tikeleı kelissózge daıyn

Sharaına Phenıan AQSh pen Ońtústik Koreıanyń birlesken jattyǵýlar ótkizýden ýaqytsha bas tartýyna jaýap retinde ıadrolyq synaqtardy toqtatýǵa qatysty óz usynysyn túsindirý úshin Vashıngtonmen tikeleı kelissózge shyǵýǵa daıyn. Bul týraly KHDR-diń BUU-daǵy turaqty ókiliniń orynbasary An Men Hýn málimdedi. Buǵan deıin AQSh mundaı jaıtty eger birlesken jattyǵýlardy ótkizýden bas tartqan jaǵdaıda synaq jasaýdyń «jasyryn qateri» dep esepteıtinin aıtqan bolatyn. Al An Men Hýn ıadrolyq synaqtar men amerıkalyq-ońtústikkoreıalyq jattyǵýlardy toqtatý bastamasyn óte naqtyly jáne mańyzdy bastama dep ataı otyryp, joǵaryda aıtylǵan sózderdi teriske shyǵardy. Osy oraıda KHDR-diń sońǵy jyldary úsh ıadrolyq synaq jasaǵanyn, oǵan jaýap retinde Qaýipsizdik Keńesiniń Phenıanǵa jańa sanksııalar engizgenin jáne burynǵy sanksııalardy qataıtqanyn aıta ketý kerek. Jankeshti qaı eldiń azamaty? Ystambul prokýratýrasy taıaýda qalanyń Sultanahmet alańynda terrorlyq akti daıyndaýǵa qatysy bar degen kúdikpen úsh adamdy, onyń ishinde Daǵystannyń eki turǵynyn tutqynǵa alý týraly sotqa usynys hat joldady. Terrorlyq akt Ystambul qalasynyń ortalyǵyndaǵy polıseı ýchaskesinde oryn alǵan bolatyn. Ǵımaratqa kirý úshin «jankeshti beldigin» taqqan áıel tártip saqshylaryna aǵylshyn tilinde óziniń ámııany urlanǵanyn habarlaǵan. Ǵımarat ishinde ol jarylǵysh zatty iske qosady. Sonyń saldarynan eki polıseı jaraqat alyp, olardyń bireýi qaza tabady. Barlyǵy terrorlyq aktige qatysy bar degen kúdikpen alty adam qamaýǵa alyndy. Túrik BAQ-tarynyń habarlaýynsha, jankeshti Dıana Ramazanova esimdi reseılik kórinedi. Degenmen, ázirge ol týraly naqty málimetter joq. Italııa prezıdenti otstavkaǵa ketti Italııa basshysy Djordjo Napolıtano 14 qańtarda otstavkaǵa ketti. Rezıdensııany prezıdent retinde bosatqannan keıin ol ómir boıǵy senator mártebesine ıe bolady. Bul týraly Italııa parlamentiniń otyrysynda eldiń premer-mınıstri Matteo Rensı habarlaǵan. Osy oraıda, prezıdent málimdemesinde kúlkili derlik jaǵdaıdyń oryn alǵanyn aıta ketý kerek. Másele bylaı bolǵan. Prezıdent saraıy aldynda kezdesken bir bala odan ózin qalaı sezinetini týraly suraǵanda, prezıdent: «Men úıge qaıtatynyma óte qýanyshtymyn. Bul jerde (rezıdensııada) jaqsy, biraq bul túrmeni azdap eske túsiredi» dep jaýap bergen kórinedi. Jumystyń kúrdeliligin ázilmen túsindirgen prezıdenttiń áý bastan-aq ekinshi merzimge saılanǵysy kelmegenin de aıta ketken jón. Fransııada arnaıy túrmeler ashylmaq 2015 jyldyń sońyna deıin Fransııa túrmelerinde radıkaldy baǵyttaǵy ıdeıalardy ýaǵyzdaıtyn qyl­­­mys­­kerler qamalatyn aıryqsha bólimshe paıda bolmaq. Eldiń premer-mınıstri Manýel Vals jergilikti parlament depýtattary aldynda sóz sóılep, osyndaı málimdeme jasaǵan. Mundaı jaǵdaıǵa Charlie Hebdo satıralyq aptalyǵynyń redaksııa­syna jasalǵan qarýly shabýyl sebepker bolyp otyr. Onyń ústine Eýroodaqtyń terrorızmmen kúres jónindegi úılestirýshisi Jıl de Kershov Eýropada jańa terrorlyq aktilerdiń oryn alýy múmkin ekenin aıtyp, eskertýde. Ol Parıjde oryn alǵandaı jańa shabýyldar qaıtalanar bolsa, odaqqa múshe elder olardyń aldyn ala almaıdy dep qaýiptenedi. Dýbaı áýejaıy kósh bastap tur Dýbaıdyń halyqaralyq áýejaıy 2014 jyldyń qorytyndysy boıynsha tasymaldanǵan jolaýshylarynyń sany jaǵynan londondyq Hıtroýdy basyp ozyp, álemdegi eń júktemesi aýyr áýejaı atandy. 2014 jyly Dýbaı áýejaıy arqyly 71 mıllıonǵa jýyq halyqaralyq jolaýshylar ótken. Al Hıtroýda bul kórsetkish 68,1 mıllıondy quraıdy. Bizdiń Hıtroýdyń qýattary jetpeıtin baǵyttarǵa qyzmet kórsetýge qabiletti bolýymyzǵa baılanysty Hıtroý áýejaıy Dýbaıdyń paıdasyna kóptegen tasymaldaryn joǵaltýda, dep málimdegen Dýbaı áýejaıynyń bas atqarýshy dırektory Pol Grıffıts. Onyń syrtynda kóshbasshylyqtyń aýysýyna Dýbaıda ornalasqan Emirates Airline áýe kompanııasynyń 30 jylǵa jeter-jetpes ýaqytta tasymaldy qarqyndy túrde údetýi de sebepker bolyp otyr. Atalmysh kompanııa búginde alysqa ushatyn ushaqtardyń eń iri flotyna ıe. El tarıhyndaǵy eń iri bıýdjet bekitildi Japonııa úkimeti sársenbi kúngi otyrysynda eldiń 2015 qarjy jylyna arnalǵan bıýdjetiniń jobasyn bekitti. Onda 4,98 trıllıon ıendi (42,2 mlrd.dollar) quraıtyn áskerı shyǵyndardyń eń joǵary deńgeıi qarastyrylǵan. О́tken jylmen salystyrǵanda, qorǵanysqa jumsalatyn shyǵyndar 100 mıllıard ıenge artpaq. Onyń ishinde osy elde ornalasqan amerıkalyq áskerı bazalarǵa qatysty shyǵyndar ústimizdegi jyly 149 mıllıard ıendi quraıtyn bolady. Sóz retinde KHDR-diń ıadrolyq baǵdarlamasynyń, sol sııaqty Qytaıdyń Shyǵys-Qytaı teńizinde bolýynyń Japonııanyń dástúrli túrde alańdaýshylyǵyn týǵyzatynyn da aıta ketý qajet. El úkimeti bekitken bıýdjet Japonııa tarıhyndaǵy eń iri bıýdjet bolyp otyr. Joǵalyp ketken stýdentter taǵdyry anyqtalmaı otyr Meksıkanyń Igýala qalasynda osydan úsh jarym aı buryn joǵalyp ketken stýdentterdiń ata-analary bir áskerı bólimniń aýmaǵyna basyp kirip, sol jerde janjal shyǵardy. Prokýratýranyń boljamy boıynsha, polıseıler stýdentterdiń bir tobyn «Gerreros ýnıdos» tobynyń bandylaryna berip jibergen. Al olar bolsa, stýdentterdi atyp óltirip, olardyń denelerin órtep jibergen. Múrdesi tergeý organdaryna berilgen bir stýdenttiń denesiniń qaldyqtaryna júrgizilgen sáıkestendirý sharasy da osy boljamdy rastap otyr. Joǵalyp ketken jastardyń ata-analary óz balalarynyń qaza tabý sebepteri týraly naqty aıǵaqtar berýdi talap etýde. Tergeý barysynda eldiń quqyq qorǵaý organdary osy qaıǵyly oqıǵaǵa qatysy bar degen kúdikpen 80 adamdy qamaýǵa aldy. Sonymen birge, onnan astam adam áli kúnge deıin izdestirilýde. Internet materıaldary negizinde ázirlendi.