Dárigerler biliktiligi aıqyndaldy

«Halyq densaýlyǵy jáne den­­saýlyq saqtaý júıesi týraly» Kodekstiń, syrtqy ke­shen­di baǵalaý nátıjeleri jáne akkredıtteý komıs­sııa­synyń sheshimi negizinde birinshi sanat taǵaıyn­da­la otyryp, 3 jyl merzimine akkredıttelgen dep tanylady. Osy kýálik densaýlyq saqtaý sýbektisi qyzmetiniń Qazaqstannyń densaýlyq saqtaý salasyndaǵy akkredıtteý standarttaryna sáı­kes­tigi týraly kýá­lan­dy­ra­dy», de­lin­gen hatta.

Jalpy, medısınadaǵy akkredıtteý – bul den­saýlyq saqtaý mekemesinde halyqqa medı­sı­­nalyq qyzmet kór­setý­­diń jo­ǵary deńgeıiniń resmı dá­le­li. Tekseris ke­zin­de ulttyq standarttar boıynsha uıymdaǵy bólim­she­ler men úderister, ıaǵnı stra­tegııalyq jáne ope­­ra­sııalyq josparlaý, pa­sıent­terdi emdeý jáne kútý, pa­sıentterdiń qaýip­siz­­digi, ǵımarattar, ınfeksııany baqylaý, sapany, táýe­kelder men resýrstardy bas­qarý, pasıentterdiń quqyq­ta­ryn saqtaý, halyq­pen jumys jáne kadr saıasaty baǵalanady. Akkredıtteý medısınalyq uıym­nyń belgi­len­gen sapa standart­taryna sáı­kes­tigin rastaıdy. Sondyqtan medısınalyq mekemede akkredıtteý týra­ly sertıfıkattyń bolýy pasıenttiń qyzmet sapa­synyń, jaılylyǵy men qaýip­­siz­diginiń joǵary standar­tyn kórsetedi.

«Almaty kópsalaly klı­­nı­kalyq aýrýhanasy – Al­maty oblysynyń halqy úshin jetek­shi medı­sınalyq qyzmet kórsetý ortalyǵy. Klını­ka­da eń kúrdeli naý­qas­tardy ýaq­tyly dıag­nos­tıka jasaý jáne emdeý úshin barlyq múm­kindik bar. Aýrýhana zamanaýı dıagnostıkalyq jab­dyqtarmen qamtylǵan. Qazir­gi ýaqytta klınıka dári­­ger­leri 25 baǵyt bo­ıyn­­sha joǵary teh­no­­lo­gııa­lyq medısınalyq qyz­met kórsetedi jáne jyl basynan beri júzden asa operasııa jasady. Osylaısha, klınıka res­pýblıkalyq deńgeıde joǵary tehnologııalyq operasııalar boıynsha kóshbas­shylyq pozısııaǵa kóterildi. Aýrý­hanada joǵary sanatty 214 bilikti dáriger jáne 684 orta, kishi medısına qyzmetkeri jumys isteıdi. Olar biliktiligin arttyrý maqsatynda respýblıka bo­ıynsha jáne shetelderde únemi bilim alyp, tájirıbe alma­sady», deıdi IAMS bas dırektory Jumaǵalı Ismaılov.

О́z kezeginde Almaty kóp­­sa­la­ly klınıkalyq aýrý­­­­­­ha­na­synyń dırektory Elmıra Berikova sátti akkre­dıtteý – bul medısına qyzmet­ker­le­riniń, ákimshilik qyzmetkerlerdiń jáne mekeme basshylyǵynyń ujym­­dyq eńbegi men adal­dy­ǵy­nyń nátıjesi eke­nin atap ótti.

Almaty oblysy