Túlekter otandyq oqý oryndaryn tańdaıdy

Qazirgi ýaqytta Ertis-Baıan óńirinde 360 mektep bar, olarda jalpy sany 116,1 myń oqýshy bilim alyp jatyr. 9-synypty barlyǵy 10 778 oqýshy bitirse, 11-synyp túlekteriniń sany – ­ 4 322 bala. Memlekettik mektep bitirý emtıhandary 28 mamyr men 11 maýsym aralyǵynda bes pán boıynsha ótedi. Al negizgi ult­tyq biryńǵaı testileýdi 16 mamyr men 5 shilde aralyǵynda elek­trondy formatta Ustudy Tes­tileý ortalyǵynyń eki pýnkt bazasynda (Pavlodar jáne Ekibastuz qalalarynda) ótkizý jospar­lanǵan. UBT-ǵa 3 647 (84,3 paıyzy) túlek qatysady.

Bilim berý basqarmasynan alynǵan málimetterge súıen­sek, sońǵy 3 jylda 11-synyp bitirgen 9 891 túlek nemese 77,2 paıyzy joǵary oqý oryndaryna túsken. Onyń ishinde 9 553 túlek tegin bilim alyp jatyr. Aldyńǵy jyldarmen salystyrǵanda, joǵary oqý oryndaryna memlekettik bilim berý granty boıynsha tús­ken túlekter sany 6,3 paıyzǵa artqan. Tehnıkalyq jáne kásiptik bilim berý uıymdaryna 2 372 (18,5 paıyz) adam oqýǵa qabyldanǵan.

О́ńirlik bilim berý bas­qar­masy basshysynyń orynbasary Samal Qadyrova atap kórsetkendeı, keıingi bes jylda Pavlodar oblysynda mektep bitirgenderdiń 83 paıyzy UBT tapsyrǵan. Jyl sanap olardyń úlesi kóbeıip, byl­tyr tipti 89 paıyzǵa jetken. Bu­ryndary Reseımen shekaralas aýdandardyń balalary oqý bi­tire sala kórshi eldiń joǵary bi­lim oryndaryn jaǵalap ketetin. Bul teris úrdis keıingi jyldary tó­men­dep kele jatqany baı­qa­la­dy.

 – Elimizdiń joǵary oqý oryn­­daryna túsýge nıet bildir­gen­der sanynyń oń dınamıkasy baı­qalyp otyr. Keıingi 5 jylda 16 498 (81,8 paıyz) túlek qazaqstandyq bi­lim uıym­daryna oqýǵa tústi. Osy­ ýaqyt aralyǵynda 2 839 túlek  shetelde bilim alýdy tańdaǵan. Al Reseı ýnıversıtetteri men kolledjderine keıingi jyldary 2 386 jas qujat tap­syr­ǵan. Atap aıtqanda, Jelezın, Sharbaqty, Tereńkól, Ýspen, Ertis aýdandary boıynsha ál­gin­deı jastar azaımaı tur. Keıingi jyldary mem­le­­ket­tik bilim berý granttary mol bólinip jatyr. Jyl sa­ıyn halyqtyń áleýmettik osal toptaryndaǵy balalarǵa, onyń ishinde kópbalaly nemese tolyq emes otbasylardaǵy bala­­­larǵa arnalǵan kvotalar sany artyp keledi. Sondaı-aq áleý­­mettik osal otbasylardan shyq­­­qan balalarǵa rektorlyq grant­­­tar, qalalar men aýdandar ákim­deriniń granttary, Qazaq­­stan halqyna qorynyń grant­­tary­ bólinedi, – deıdi S.Qady­rova.­

Atap óterligi, bıyl jazǵy kezeń­de oblys boıynsha 109 myńnan astam oqýshy demalyspen jáne jumyspen qamtylady. Memlekettik la­ger­­l­erdiń mate­rıal­dyq-teh­nı­­kalyq bazasyn nyǵaıtýǵa oblystyq bıýdjetten 209,8 mln teńge bólindi. Jal­pyǵa birdeı bilim berý qory­nyń qa­­rajaty esebinen áleý­met­tik­­ otbasylardan shyqqan ­12 myń­­­­­nan astam ba­la dema-la­­­­­dy. О́ńir­­­­­­de balalardyń dema­lysy men jumyspen qamtylýyn uıym­dastyrý úshin barlyq meke­meniń múmkindikteri men áleýetin jumyldyra otyryp, keshendi túrde sharalar qabyldanyp jatyr.

Bilim berý basqarmasynyń dereginshe, 1 maýsymnan bastap óńirde 782 mektep janyndaǵy, qala syrtyndaǵy jáne beıindi lagerler ashylady. Buǵan qosa «Uly dala keremeti» jobasy boıynsha 1000 bala tarıhı jáne kıeli jerlerge saıahat jasaıdy. Baıanaýyl aýdanynda Qanysh Sátbaevtyń 125 jyldyǵy­na arnalǵan «Q.Sát­baev – ult maq­tanyshy» atty ta­qy­­ryptyq aýysymdar, «Dana mu­ra­sy» ekspedısııalyq jasaq­tar­dyń sleti josparlanǵan.

Pavlodar oblysy