Senim gramotasyn tapsyrdy

Qazaqstan Respýblıkasynyń Avstrııadaǵy elshisi, Qazaqstannyń Venadaǵy halyqaralyq uıymdar janyndaǵy Turaqty ókili Qaırat Sarybaı Slovenııa Respýblıkasynyń Prezıdenti Borýt Pahorǵa Senim gramotasyn tapsyrdy. Kezdesý barysynda qazaq­stan­dyq dıplomat Slovenııa basshysyna Qazaqstan Prezıdenti Nur­sultan Nazarbaevtyń sálemin jet­kizip, Astananyń eki el arasyn­daǵy ınvestısııalardyń keńeıýine múddeliligin atap kórsetti. Sondaı-aq, slovenııalyq kompanııalardyń qatysýy úshin tıimdi alań bolyp tabylatyn Astana qalasynda ótetin halyqaralyq mamandandyrylǵan EKSPO-2017 kórmesiniń mańy­zy­na basa nazar aýdardy. «Nurly Jol» Jańa Eko­nomı­ka­lyq Saıasat pen ındýstrııalyq-ın­no­vasııalyq baǵdarlamanyń ekinshi kezeńi Slovenııa kompa­nııa­larynyń Qazaqstannyń ındýs­trııalyq jobalaryna qatysýyna jańa serpin berýi yqtımaldyǵy týraly aıtyldy. О́z kezeginde B.Pahor Qazaq­stan Prezıdentiniń jyly lebi­zi­ne al­ǵy­syn bildirdi jáne Lıýblıa­na­nyń Qazaqstan-Slovenııa qaty­nas­ta­ryna úlken mán beretinin jetkiz­di. Slovenııa Prezıdenti eki­jaqty saýda-ekonomıkalyq ynty­maq­tastyq­qa joǵary baǵa berip, ony damytýda aıtarlyqtaı áleýet­tiń bar eken­di­gin atap ótti. Erek­she nazar eki el arasyndaǵy ǵyly­mı jáne mádenı almasýlar máse­lelerine aýdaryldy. Kezdesý sońynda Slovenııa Pre­zıdenti Borýt Pahor Qazaqstan Pre­zı­denti Nursultan Nazarbaevqa izgi tilekterin bildirip, elshiden Elba­sy­na yńǵaıly ýaqytta resmı saparmen Slovenııaǵa kelýge shaqyrýyn jetkizýdi ótindi. «Egemen-aqparat».