Ǵylymı yntymaqtastyq

Kezdesýdiń maqsaty – Bıo­lo­gııalyq qaýipsizdik jónindegi Qazaqstan – Qytaı birlesken zerthanasynda Qazaq agro­tehnıkalyq zertteý ýnıversıteti men Harbın veterınarlyq ǵylymı-zertteý ınstıtýty arasyndaǵy ortaq zerthana boıynsha ózara yntymaqtastyqty talqylap, birlesip ósiretin aýylsharýa­shylyq ónimderiniń saýdasyn óristetý.

«S.Seıfýllın atyndaǵy Qazaq agro­tehnıkalyq zertteý ýnıversıteti men Harbın veterınarlyq ǵylymı-zertteý ınstıtýty arasyndaǵy ózara tıimdi yn­ty­maqtastyqty erekshe atap ótkimiz ke­ledi. Ýnıversıtetimizde bıologııalyq qaýipsizdik boıynsha Qytaı – Qazaqstan birlesken zerthanasyn ashtyq. Har­bın veterınarlyq ınstıtýtynyń profes­sorlary – doktoranttarymyzdyń ǵyly­mı jetekshileri. Qytaı men Qazaqstan úshin ózekti «Janýarlardyń transsheka­ra­lyq aýrýlarynyń aldyn alý jáne baqy­laý boıynsha birlesken zertteýler» halyqaralyq jobalary, «Bir beldeý, bir jol» tehnologııalyq yntymaqtastyq platformasyn qurý júzege asyrylyp jatyr. Bizdiń ýnıversıtet pen Harbın veterınarlyq ǵylymı-zertteý ınstı­­tý­­ty eki el prezıdentteriniń ǵylym men ­bi­lim salasyndaǵy yntymaqtastyqty damy­týǵa baǵyttalǵan saıasatyn júzege asyrý maqsatynda birlesken halyqaralyq is-sharalardy tabysty júzege asyrady dep senemiz. Biz oqý oryndarymyzdyń arasyndaǵy yntymaqtastyqty damytý boıynsha usynystardy birlesip tal­qylaýǵa daıynbyz», dedi Qazaq agro­tehnıkalyq zertteý ýnıversıtetiniń operasııalyq qyzmet boıynsha prorektory Saparhan Omarov.

Qytaı Halyq Respýblıkasynyń Ǵylym jáne tehnologııalar vıse-mı­nıstri Chen Szıachannyń aıtýynsha, eki el ara­syndaǵy qatynastar qarqyndy damyp jatyr, ásirese aýyl sharýashy­lyǵy sa­lasy boıynsha.

«S.Seıfýllın atyndaǵy Qazaq agrotehnıkalyq ýnıversıtetine jolym túskenine qýanyp otyrmyn. Zama­naýı korpýstaryńyz kóz tartady. Eki el basshylarynyń tıimdi saıasatynyń arqasynda Qytaı – Qazaqstan arasyn­daǵy qarym-qatynas qarqyndy damyp jatyr. QHR basshysy Sı Szınpın­niń «Bir beldeý, bir jol» bastamasymen Qazaqstan­men aradaǵy iskerlik, saýda-sattyq syn­dy mańyzdy jobalar qolǵa alyndy. Sonyń biri – S.Seı­fýllın atyn­daǵy Qaz­ATZÝ men Qytaı aýylsharýashy­­lyq ǵylymdary aka­de­mııasynyń Har­­bın veterınarlyq ǵy­lymı-zertteý ıns­tıtýty arasyndaǵy is­kerlik baılanys­. Bıologııalyq qaýip­siz­dik jónindegi Qazaqstan – Qytaı bir­les­ken zerthanasynyń ashylýy – osy ba­ǵyt­taǵy jumysymyzdyń jemisi. Men ­Ǵy­lym jáne tehnologııalar vıse-mınıstri bolǵandyqtan, aýyl sharýashylyǵy ­salasyna baılanysty basymdyqtar­­dyń bolashaǵyna zor úmitpen ári senim­men qaraımyn», dedi ol.

Sheteldik delegasııa múshelerine Bıo­logııalyq qaýipsizdik boıynsha bir­lesken Qytaı – Qazaqstan zerthanasy tanystyryldy. Sondaı-aq janýarlar men qustardyń juqpaly aýrýlaryn zertteý jáne dıagnostıkalaý, jem men sútke zootehnıkalyq taldaý jasaý maqsatynda Qazaqstan – Qytaı birlesken bıologııalyq qaýipsizdik zerthanasy quryldy. Bul zerthanada doktoranttar men magıstranttar dıssertasııa taqyryby boıynsha eksperımenttik zertteýlerin júzege asyrady. Sony­men qatar munda stýdentter bekitil­gen dıplomdyq jumys taqyryptary aıasynda ǵylymı-zertteý jumystaryn júrgizedi.

Tanystyrylymnan keıin sóz alǵan Qytaı Halyq Respýblıkasy Ǵy­lym jáne tehnologııalar mınıstrligi Halyqaralyq yntymaqtastyq depar­tamentiniń dırektory Van Sıao Seıfýl­lın ýnıversıte­ti­niń ǵalymdaryn Qytaı­daǵy bilim ­or­da­larynan tájirıbeden ótýge, stýdent­ter men magıstranttardy dýal­dyq oqýǵa shaqyrdy.