Joldama sany 54-ke jetti

Qazirgi kezde Olım­pııa oıyndaryna qa­tysatyn sportshy­la­rymyzdyń sany 54-ke jetti. Ásem Orynbaıdan bólek, tórt­jyldyqtyń basty dodasyna eli­mizdiń taǵy eki stend atýshysy attanatynyn da esterińizge sala keteıik. Buǵan deıin ondaı qur­metke Marııa Dmıtrıenko (trap) men Edýard Eshenko (skıt) bólengen edi.

Dál sondaı múmkindik sport­tyq gımnasshy Aıda Baýyr­janova da boldy. Áıelder arasynda Tashkentte ótken Azııa chempıonatynda ol erkin jattyǵý boıynsha tabysty óner kórsetip, qola medaldy ıelendi. Buǵan deıin birde-bir burymdymyz sary qurlyqtyń basty dodasynda osyndaı kórsetkishke qol jetkizgen joq edi. Sol sebepti de muny tarıhı júlde dep baǵalasaq ta bolady. Biraq basty báseke kópsaıys edi. О́zbekstannyń as­tanasynda dál sol jarystyń qorytyndysy boıynsha Parıj Olımpıadasynyń sońǵy joldamasy sarapqa salyndy. О́k­inish­ke qaraı, bul básekede Baýyr­janovanyń baǵy janbady. 50,699 upaı jıǵan ol tórtinshi orynda qalyp qoıdy. Bul dodada alǵash­qy úsh oryndy qytaılyq Szıa­feı Hý (50,699 upaı) men Sınýı Sın (50,566) jáne fılıppındik Emma Malabýıo (50,398) ıelendi.

Bul kúnderi Bangkokta boks­tan irikteý týrnıri ótip jatyr. Alda basqa da sport túlerinen ta­ǵy birneshe iri doda bar. So­lardyń arasynan jeńil atletterge úlken úmit artyp otyrmyz. Taıaý kúnderi dzıýdoshylardyń reı­tıngi jańartylady. Sol ja­rystardyń nátıjesi boıynsha taǵy birneshe sportshymyz Olımpııa oıyndarynyń joldamasyn ıelenetini anyq.