Jarysty 50 kg salmaqtaǵy Nazym Qyzaıbaı bastady. Álemniń eki dúrkin chempıony tusaýkeser kezdesýin óziniń ataǵyna saı ótkizdi. Ol jastar arasyndaǵy Eýropa birinshiliginiń
(U-22) eki márte qola júldegeri slovakııalyq Nıkol Dýrıkovamen kúsh synasty. Báseke barysynda Nazym qarsylasyn eki ret nokdaýnǵa jibergennen keıin tóreshiniń básekeni toqtatýdan basqa amaly qalmady. Tehnıkalyq nokaýt.
Kelesi kúni Muhammedsabyr Bazarbaıuly rıngke kóterildi. Ol Krıstıan Laýrentemen aıqasty. Fılıppındik bylǵary qolǵap sheberi 2018 jyly jastardyń álem birinshiliginde qola medaldy ıelendi. Sonymen qatar ol kásipqoılar arasynda 12 jekpe-jek ótkizip, barlyǵynda jeńiske jetti. Biraq bul jaǵdaı Muhamedsabyrdy esh alańdatqan joq. Úsh raýnd boıy erkin oıqastaǵan qandasymyz Laýrenteni upaı sanymen utty. Endi Bazarbaıuly 1/16 fınalda túrkııalyq Mızan Aıqolmen aıqasady.
Keshe Rımma Volosenko (60 kg) germanııalyq Marııa Ganglbaýermen jáne Valentına Halzova (75 kg) ýkraınalyq Karolına Mahnomen qolǵap túıistirdi. Búgin Uljan Sársenbek (54 kg) amerıkalyq Shera Meı Patrısıomen aıqassa, erteń Natalıa Bogdanova Eýropa chempıony, serbııalyq Krıstına Kýlýhovamen kúsh synasady.
