Foto: bbc.com
Máseden, Andreı Orynbor oblysynan 10 jyl buryn jer alyp, jańa úıin endi ǵana salyp bitirip, jaqynda ǵana qonystanǵan. Arada birneshe aı ótkende onyń jyldar boıy eńbekpen turǵyzǵan úıin sý basyp qaldy.
Sý tasqynynan eki aıǵa jýyq ýaqyt ótse de, kóbisi áli tólem ala almaı jatyr. Oblys bıliginiń sońǵy málimeti boıynsha, ótemaqy alýǵa berilgen 187 myńnan astam ótinish qabyldanbaǵan. О́temaqy alǵandardyń ózi úıdiń qunyn nemese jóndeý jumystaryn tolyq ótemeıtinin alǵa tartyp otyr.
Sáýirdiń 6-sy kúni Orynbor oblysynyń gýbernatory Denıs Pasler úılerin sý basqan oblys turǵyndaryna adam basyna 20 myń rýbl kóleminde bir rettik materıaldyq kómek beriletinin aıtty. 24 saǵattan astam ýaqyt boıy sý jáne elektr qýatynsyz qalǵan turǵyndarǵa 10 myń rýbl tólenedi. Oblys bıligi bul bir rettik ótemaqyǵa gıgıenalyq quraldar satyp alýdy usyndy.
Sondaı-aq, Orynbor oblysynyń ákimdigi mańyzdy múlikti joǵaltqandarǵa da materıaldyq kómek kórsetý týraly ótinishterdi qabyldaýǵa sheshim shyǵardy. Onyń quny múlikke jartylaı zaqym kelse bir adamǵa 50 myń rýbl, al paıdalanýǵa tolyq jaramaıtyn múlikke 100 myń rýblden beriledi.
Mundaı turmys úshin mańyzdy múliktiń tizbesin Reseı úkimeti jasaqtady. Oǵan: kereýet nemese dıvan, ústel, tońazytqysh, gaz plıtasy, sý jylytqyshy, jylytý qazandyǵy kirgen.
Osy tusta «Bı-bı-sıdiń» keıipkeri Andreı ekinshi úıi nemese ortaq múliktegi úlesi bar adamdar múlikti joǵaltqany úshin tólem berilmeıtinine narazylyq bildirgen.
Onyń anasy qazir Andreıdiń atyna tirkelgen Orynbordaǵy páterde turady. Sonymen qatar onyń Orsk qalasynda balalarynyń bolashaǵy úshin alynǵan páteri bar. Alaıda Andreıdiń otbasyna tıesili Orsk qalasyndaǵy sý basqan úı ǵana kúrdeli jóndeýdi qajet etedi dep tanylǵan.
Keıingi kúnderi Orynbor oblysynyń turǵyndary memlekettik qyzmetterden tólem alý týraly ótinishteri qanaǵattandyrylmaıtyny týraly jappaı habarlamalar ala bastady. Orynbor oblysy ákimdiginiń málimetinshe, 27 mamyrdaǵy jaǵdaı boıynsha 574 myńnan astam ótinishtiń 187 myńnan astamy qabyldanǵan. Suranystyń 87 paıyzy qaralyp, 316 myńnan astam ótinish boıynsha tólemder bekitilgen. Quzyrly organ ótinishter qaıta jiberilgennen nemese tólem alýǵa quqyǵy joq bolǵandyqtan qabyldanbaǵanyn aıtty.
