QATARDAǴY QAHARMAN

Taıaýda Baılanys jáne aqparat mınıstrligi Aqparat jáne muraǵat komıtetiniń muryndyq bo­lýy­men Ulttyq muraǵat zalynda maıdanger Kárı Ábıtovtiń “О́mir órnegi” atty kitabynyń tu­saý­keser rásimi men qujattyq kórmesi bolyp ótti. Bul aǵa urpaq ókiliniń eńbegi erekshe eken. Maı­­danda qupııa tapsyrmalardy oryndaǵan barlaýshy bolypty. 1942-1943 jyldarǵy Stalıngrad pen Kýrsk-Orlov túbin­degi shaıqastarda jaý tylynda júrip, baǵaly máli­metterdi qolǵa túsirgen. 1944-1945 jyl­dary Vengrııa, Iýgoslavııa, Chehoslovakııa, Avstrııada bolyp, qupııa operasııalarǵa qatysqan. Sóıtip Uly Otan soǵysy jyldaryndaǵy ómiri qaýip pen qaterge toly bolǵan. Kórmege otstavkadaǵy polkovnık Kárı Ábıtovtiń 100-ge jýyq qujattary men materıaldary iriktelinip alynyp qoıylǵan. Onyń basym bóligin aǵamyzdyń Uly Otan soǵysynda kórsetken erligi men qaýipsizdik organdarynda atqarǵan qyzmetteri úshin alǵan orden­deriniń kýálikteri, fotoqujattar men hattar quraıdy. Jazýshy Ábish Kekilbaevtyń eńbekteriniń birinde: “Eń berik at, eń bıik at, eń baıandy at – azamat” – degen sóz bar. Osy anyqtama maıdanger Kárı Ábıtovke qaratyp aıtylǵandaı. О́ıtkeni, oǵan aǵamyzdyń “О́mir órnegi” kitaby kýá. Munda azamattyqqa tán barlyq erekshe­likter, dúnıeniń táttisi men ashysy, beıbit ómirdiń quny óte jaqsy aıtylyp, áserli baıandalǵan. Jınalǵan qaýymnyń ystyq qoshemeti men iltı­patyna bólengen Kárı Ábıtov kórme sońynda: “Ashyq aspan men beıbitshilikti kórý – men úshin eń úlken baqyt”, dedi tebirenip. Maıdangerdiń osy sózinde kóp mán jatqany anyq. Araı ÚIRENIShBEKQYZY. ASTANA.