Aqparattar aǵyny

*О́tken jyly Qazaq­stan­da ishki jalpy ónim 4,3 paıyzǵa ósken. Al negizgi kapıtalǵa baǵyttalǵan ınves­tı­sııalar 6 trln. 574 mlrd. teńgeni qurap, 3,9 paıyzǵa artqan. *Bıyl «Baıqońyr» ǵarysh kesheniniń 60 jyl­dyǵy atap ótiledi. Osy­ǵan oraı mereıtoıdy uıym­das­tyrý jáne merekeleý jónin­degi uıymdastyrý komıteti quryldy. *Batys Qazaqstanda 2014 jyly «Jumyspen qam­týdyń jol kartasy-2020» baǵ­darlamasy boıyn­sha 996 mln. teńge bóli­nip, onyń barlyǵy ıgeril­di. Jal­py, 2013-2014 jyl­dary mem­lekettik baǵdar­la­ma­lardyń aıasynda óńirde 1510 jańa jumys orny ashylǵan. *Astanada «BASTAU» bıznes mektebi» atty oqytý jobasy qyzmet kórsetedi. Ulttyq kásipkerler palatasy ashqan bul mektep jumyssyz júrgen jastardy, jas kásip­kerlerdi qoldaýǵa jáne beıim­deýge arnalǵan. *Almatydaǵy «Medeý» muz aıdynynda 2015 jyldyń aqpanynda muz­daǵy motojarystan álem chempıonatykezeńderiniń biri ótedi. 20-dan astam sport telearnasynan taratylatyn dúbirli dodany álemniń 200 mıllıonnan astam kórermeni tamashalaıdy dep kútilýde. *Ońtústikqazaqstandyq oqýshylar halyqaralyq olımpıadadan oljaly oraldy. Bolgarııa astanasy Sofııa qalasynda matematıkadan ótken bilim saıysyna elimizden 21 oqýshy baryp, olardyń 16-sy júldeli oryn­darǵa ıe bolǵan. Onyń ishinde ońtústikqazaqstandyq 19 oqý­shy­nyń 3-eýi altyn, 4-eýi kúmis, 7-eýi qola medalǵa qol jet­kizse, 5 oqýshy arnaıy sertıfıkatpen marapattalypty. *Pavlodar oblysynyń barlyq deńgeıdegi ákim­deri memlekettik baǵdar­la­ma­lardyń iske asyrylýy týraly esep berýde. Olar halyqqa 2014 jyldyń áleý­met­tik-ekonomıkalyq damý qorytyndylary jóninde baıandaıdy. Kezdesýler barysynda óńir turǵyndarynyń áleýmettik máseleleri nazarǵa alynady. *Jambyl oblysynda alǵashqy jekemenshik meteostansa ashyldy. Ony M.H. Dýlatı atyndaǵy Taraz memlekettik ýnıversıtetiniń «Fızıka» kafedrasynyń qyzmetkerleri, stýdentteri men oqytýshylary iske qosty. *Petropavl qalasynda 2014 jyly 45 kópqabatty úı jóndeýden ótti. Tur­ǵyn úı-kommýnaldyq sharýa­shylyqty jańǵyrtý aıasynda iske asy­rylǵan bul jumystarǵa res­pýblıkalyq bıýdjetten 777,1 mln. teńge bólingen. Habarlar Úkimet, oblystyq ákimdikter saıttary men «QazAqparat» agenttiginiń derekteri boıynsha daıyndaldy.