Otandyq medısınaǵa jaǵdaı jasalǵanyna rızashylyq

Elbasy Nursultan Nazarbaevtyń atyna Astana qalasynyń turǵyny Jánibek Ospanovtan hat keldi, dep habarlady Prezıdenttiń baspasóz qyzmeti. Avtor hatynda 2012 jyly tam­yzda Ulttyq ǵylymı kardıohı­rýrgııa ortalyǵynda ózine do­nor­lyq júrek ornatý operasııasy jasalǵanyn aıtady. «Mine, eki jyldan beri donor­lyq júrekpen ómir súrip kelemin. Bala tárbıelep, el qatarly ómir súrý­demin. Júrek aýystyrý týraly bes jyl buryn armandaı da alma­ǵan edim. Densaýlyq saqtaý sala­syn damytýǵa Sizdiń tikeleı aralasýyńyzdyń arqasynda biz qazir joǵary tehnologııalyq medı­sınalyq kómek alý múm­kin­di­gine ıemiz, buryn olar tek shetel­derde jáne kóp aqshaǵa jasalatyn», – de­lingen hatta. J.Ospanov otandyq medısınany damytý úshin jaǵdaı jasal­ǵanyna rızashylyǵyn bildirip, sonyń arqasynda ómir súrýge ekin­shi múmkindik alǵanyn aıtady. Sońynda avtor jeke óziniń jáne otbasynyń atynan Memleket bas­shysyna myqty densaýlyq pen baqyt, al barsha Qazaqstan hal­qy­na baq-bereke men ıgilik tilegen.