Atyraýlyq jigit 4 jasar balany órtten qutqardy

ATYRAÝ. 15 qańtar. Atyraýlyq jas jigit Rashıt Jakýpov kórshisiniń páterinde janyp jatqan órt arasynan 4 jasar balany qutqardy. Bul týraly egemen.kz tilshisi habarlady. Oqys oqıǵa 9 qańtarda bolǵan. Sol kúni tús áletinde qaladaǵy saýda ortalyǵynyń ókili Rashıt Jakýpov anasynyń úıine tústik as ishýge keledi. Kóp qabatty úıge kirer aldynda úshinshi qabattaǵy terezeden tútindi kóredi. Baspaldaqpen joǵary kóterilip, tútin ıisi sezilgen páter esigin qaqqanda, ishten jylaǵan balanyń daýsyn estıdi. Kórshilerge órt sóndirýshilerge habarlaýdy tapsyryp, ózi páterge qaıta júgiredi. Páter esigin ashyp ishke engende, kireberiste qulap jatqan 4 jasar balany kóredi. Inisi ekeýi tútinge tunshyqqan balany kóterip, oblystyq balalar aýrýhanasyna jetkizedi. Keıin belgili bolǵandaı, 4 jasar bala gazǵa ýlanypty. О́rt sóndirýshiler qyzyl jalyndy sóndirdi. Eń bastysy – 4 jasar bala ajal aýzynan aman qaldy. Qazir kishkentaı bala dárigerlerdiń baqylaýynda. Ony qutqarǵan jas jigit Rashıt Jakýpovtyń jasy 29-da eken. Rashıttiń 7 jáne 3 jastaǵy eki uly bar. «Biz kórshimiz ǵoı, bir-birimizge qıyn sátte qol ushyn sozýymyz qajet», – degen jas jigit bul isin erlikke balamaıdy. Joldasbek Shópeǵul. Derek: egemen.kz. Sýret: Rahym Qoılybaev.