Aıtalyq, qaladaǵy Abaı aýdanynda birqatar ekologııalyq is-shara uıymdastyryldy. Sonyń biri Temirlan tasjolynda ornalasqan gúlzar aınalasy tap-tuınaqtaı tazalandy. Oǵan bas-aıaǵy júzden asa turǵyn qatysty. Olardyń ishinde kásipker, zııaly qaýym ókilderi, jastar, eriktiler bar. «Tazalyq – densaýlyq kepili» degen uranmen ótken is-sharada aǵashtar butalyp, túpteri áktelip, ósken shópter orylyp, egilgen gúlder sýarylyp, qoqystar syrtqa shyǵaryldy.
Áıelder isteri jónindegi genderlik komıssııa múshesi, qoǵam belsendisi Orynsha Tadjıbaeva da tabıǵatty taza ustaý, qorshaǵan ortanyń tazalyǵyna jaýapkershilikpen qaraý – ár adamnyń mindeti, deıdi. Osy rette barsha turǵyndardan eńbekti baǵalaýdy, kólikte nemese jaıaý ketip bara jatqanda jol-jónekeı qoqys tastamaýdy suraıdy.
Osylaısha, Abaı aýdanynda ótken tazalyq is-sharasyna 250-den asa adam qatysty. О́z kezeginde bul aksııa tek tazalyq jumystaryna emes, sonymen birge turǵyndardyń tabıǵatqa degen janashyrlyq sezimin oıatýǵa, sol arqyly qalanyń keleshek sanıtarlyq jaǵdaıyn jaqsartýǵa baǵyttaldy.
Aýqymdy is-shara ál-Farabı aýdanyna qarasty Á.Jangeldın kóshesi boıyndaǵy №28, 30, 32 kópqabatty turǵyn úı aýmaqtarynda jalǵasyn tapty. Bul úıdiń turǵyndary tazalyq jumystaryna bilek sybana kiristi. Olar, ásirese óz aýlalaryndaǵy aǵashtardyń túpterin áktep, aınalasyn butap, shópterin otap, ishi qoqysqa tolyp qalǵan ırrıgasııalyq aryqtardy tazalap, oıyn alańqaılary men oryndyqtardy syrlady. Halyqpen birge aınalany tazalaýǵa aýdan ardagerleri de shyqty. Olarǵa belsendi jastar qolǵabys kórsetti. Kommýnaldyq qyzmetkerler ıgi isten shet qalmady.
Is-sharaǵa qatysqan aýdandyq ardagerler keńesiniń tóraǵasy Isamýdın Nashtaıuly Prezıdentimizdiń «Taza Qazaqstan» aksııasynyń naýqandyq is-shara emestigin, buǵan árbir qala turǵyny beıjaı qaramaı tazalyq mádenıetiniń ózimizden bastaý alý qajettigin eskertti. Sondaı-aq turǵyndardy óz aýlalaryn taza ustaýǵa shaqyryp, jastardyń tazalyq ádebin saqtaýǵa basa nazar aýdarý kerektigin eske saldy.
Bul kúni Qarataý aýdanyna qarasty «Nursát» shaǵyn aýdanyndaǵy «Astana» gúlzarynda 400-ge jýyq turǵynnyń atsalysýymen kezekti tazalyq jumystary ótti. Tazalaý jumystary munda da óz jalǵasyn tapty. Adamdarmen birge on shaqty tehnıka jumyldyryldy. Nátıjesinde, jalpy kólemi 50 tonna qoqys shyǵaryldy, 3 myń metrge jýyq qorshaýlar boıalyp, 500 kg syrlaý materıaly paıdalanyldy.
Aıta ketý kerek, kógaldandyrý boıynsha sanıtarlyq jumystar Qarataý aýdanynyń barlyq eldi mekeninde kóktemniń birinshi kúninen bastap júrgizilip keledi. Al Badam ózeni jaǵalaýyndaǵy tazalyq jumystaryna Turan aýdanynyń turǵyndary men kommýnaldyq sala qyzmetkerleri, sondaı-aq eko-belsendi jastar kóbirek atsalysty. О́ıtkeni shahardyń soltústik-batys aýmaǵyn boılaı aǵatyn Badam ózeni shymkenttikterdiń bir sát tynyǵatyn jeri ári ózen mańyn jaǵalaı qonystanǵan eldi mekender egindik pen baý-baqshalaryna sýdy osy ózennen alady. Aksııa barysynda adamdar ózen jaǵalaýyna jınalyp qalǵan qoqystardy tazalady. Sýdyń arnasymen aǵýyna kedergi keltirip turǵan turmystyq qaldyqtardy alyp tastap, sý kózderin arshydy. Osy tazalyq is-sharasy barysynda qaladaǵy «Qasiret» memorıaly aınalasy men Ortalyq saıabaqtyń ishindegi eskertkish mańaıy aram shópter men qoqystan tazalanyp, abattandyryldy.
ShYMKENT
