ÁSKERI SAMBO SAIYSY

Tashkentte 11 eldiń qatysýymen áskerı sambodan Azııa chempıonaty ótti. Bul básekege Qazaqstan qurama komandasy da sportshy­laryn úkilep aparǵan bolatyn. Qazaq elinen basqa baq synaǵan Reseı, Iran, Katar, Tájikstan, Koreıa, Mońǵolııa, Nepal, О́zbek­stan, Qyrǵyzstan, Túrkimenstan elderi boldy. Qazaqstan ulttyq qurama ko­man­dasyn jarysqa quramanyń bas bapkeri, respýblıkaǵa eńbek sińirgen jattyqtyrýshy, halyq­ara­lyq dárejedegi tóreshi, Eýrazııa ulttyq ýnıversıtetiniń dene tár­bıesi jáne sport kafedra­synyń dosenti Halyq Qojahmet apardy. Munda 8 sportshy baqtaryn sy­nap, sonyń altaýy elimizdiń namy­syn asqaqtatty. 57 kg. sal­maq dárejesinde Almas Dáýletov fınalda Reseıdiń balýany Erdem Afanasevke ǵana ese jiberip, ekinshi oryndy enshilese, 62 kg. salmaqta Aıdos Bóribekov reseı­lik Vıktor Dýlmeevten utylyp, úshinshi oryndy qanaǵat tutty. 68 kg. salmaq dárejesi boıynsha sa­ıysqa túsken Baýyrjan Qumarov reseılik Dash-Shıvı Aıbekti jeńip, bas júldeni qanjyǵasyna baılady. Aýyr salmaqtar boıynsha 90 kg. salmaq dárejesinde Georgıı Emelıanov fınalda ózbekstandyq Akram Shárıpovty aıqyn basym­dylyqpen utty. 100 kg. salmaq boıynsha EUÝ-nyń ınjenerlik fakýltetiniń túlegi Marat Mustafın aqtyq básekede alań ıesi Zarıf Rasýlovqa jol berip, qola júldeni qanaǵat tutty. Osy salmaqta taǵy synǵa túsken EUÝ sport klýbynyń múshesi Darhan Qabyldın fınalda katarlyq Álı Musany aıqyn basymdylyqpen utyp, aıaǵyn aýyrtyp alýy sebebi­nen, dáriger sheshimi arqyly jeńis ózbekstandyq Samad Rýs­tamovqa berildi. Sóıtip, Darhan ekinshi oryn­dy ıelendi. Som bilekti, jaý júrekti ulandardyń el abyroıyn asqaqtatýy sportqa degen qol­daýdyń shyn dáleli! Qurmanǵazy JUMAǴULULY, L.N.Gýmılev atyndaǵy EUÝ stýdenti.