Serıal IQanat respýblıkalyq olımpıadasynda jeńiske jetkennen keıin taǵdyry ózgergen oqýshy Aıbol jaıly bolady. Serıaldyń ataýy - «IQanat OFF-Line».
Prodıýserler barlyq kórermenge franshıza bastaý alǵan túpnusqa fılmderdegi jarqyn sezimderdi syılaýdy ýáde etedi – rııasyz kúlki, otbasy bolyp tamashalaýdyń lázzaty, sondaı-aq jasóspirimder bári birdeı bastan keshetin uqsas qýanyshtar men qıyndyqtar.
Jobanyń rejısseri - «Aıman men Sholpan», «Ańshy bala», «Kózime qara», «Jańǵaq aǵashy» týyndylarymen tanymal, Pýsan kınofestıvaliniń bas júldesin alǵan Erlan Nurmuhambetov.
Serıaldyń bas prodıýseri - IQanat jobasynyń qamqorshysy Ernar Qurmashev. Telehıkaıanyń premerasy, otandyq telearnalardyń birinde, 2024 jyldyń qyrkúıegine josparlanǵan.
Serıaldyń bas prodıýseri - IQanat jobasynyń qamqorshysy Ernar Qurmashev:
«Serıal arqyly qalyń kórermen aýyl oqýshylarynyń taǵdyryn ózgerte alatyn IQanat biregeı jobasymen jaqsyraq tanysqanyn qalaımyn. Aýyl oqýshylary men qala oqýshylary arasyndaǵy bastapqyda beriletin múmkindikter teń emes ekenin barshamyz bilemiz. Kóbinese aýyl oqýshylaryn sál demep jiberip, olardyń boıyna ózderine senim uıalatý kerek. IQanat - qazaqstandyq kásipkerlerdiń jobasy. Bul elimizdiń aýyl oqýshylaryna qoldaý kórsetý, olarǵa bilim berýde jańa múmkindikterge jol ashý sııaqty ortaq bir muratqa birikken nıettesterdiń úlken jáne berik eldik kúshi. Men de olardyń qataryna qosylyp, serıal ıdeıasyn usyndym. Sebebi barynsha kóp aýyl balalary, olardyń otbasylary osyndaı mańyzdy joba týraly bilýge tıis».
Telehıkaıanyń premerasy, otandyq telearnalardyń birinde, 2024 jyldyń qyrkúıegine josparlanǵan.
Eske sala ketsek, IQanat – bilim berýdegi teńsizdikpen kúresý ıdeıasy tóńireginde birikken 150-den astam qazaqstandyq kásipker qoldaý kórsetetin áleýmettik jáne bilim berý jobasy. IQanat baǵdarlamalary 55 myńnan astam aýyl balasyn qamtyp úlgerse, olardyń 70-80%-y kópbalaly jáne tolyq emes otbasylardan shyqqan. Osynyń arqasynda balalardyń 90%-ǵa deıini Qazaqstannyń jáne sheteldiń úzdik ýnıversıtetterine grant arqyly tústi. Qazirgi tańda joba túlekteri álemniń 15 elinde bilim alýda.
