Foto: ernur.kz
Kezdesýge qatysýshylar komıtettiń «Ońtústik aımaqtaǵy agroónerkásiptiń jaı-kúıi: problemalary men sheshý joldary» taqyryby boıynsha Túrkistan oblysynda ótken kóshpeli otyrysynyń qorytyndylaryn talqylady. Onda agroónerkásip keshenin damytý jáne ózekti máselelerdi sheshý joldary qaralǵan bolatyn.
Senatorlar kóshpeli otyrystyń qorytyndysynda anyqtalǵan problemalardy sheshý jónindegi usynymdar toptamasyn ázirledi. Atap aıtqanda, erozııaǵa ushyraǵan jerlerdi qalpyna keltirý boıynsha jol kartasyn ázirleý, fermerlerdiń geobotanıkalyq jáne topyraq zertteýleriniń nátıjelerine qol jetkizýin qamtamasyz etý úshin aýyl sharýashylyǵy jerlerine aýdıt jáne sıfrlandyrý júrgizý usynyldy.
Senatorlar agroónerkásip sektoryndaǵy ahýaldy jaqsartý jáne sý resýrstaryn basqarý úshin sýbsıdııalardy nysanaly paıdalanýǵa toqsan saıyn monıtorıng júrgizý, qolaıly ınvestısııalyq orta qurý, zamanaýı zerthanalar sanyn ulǵaıtý jáne fıtosanıtarııalyq jáne veterınarııalyq baqylaýdy kúsheıtýdi usyndy. Sondaı-aq jylyjaılardy jylytýǵa jáne aýyl sharýashylyǵy tehnıkasyn jańartý deńgeıin arttyrýǵa arnalǵan shyǵyndar boıynsha memlekettik qoldaý sharalaryn qarastyrý usynylady.
