Qasıetti dombyra

Birjan sal atyndaǵy mýzykalyq kolledj­de, Qazaq handyǵynyń 550 jyldyǵy merekesi aıasynda, Kókshetaý qalasy ákiminiń kýbogyn sarapqa salǵan oblystyq «Qasıetti dombyra» baıqaýy ótkizildi. Baıqaýdyń negizgi ustanymy qazaq halqynyń mádenıetin óskeleń urpaqqa, ónersúıer jurt­shylyqqa keńinen nasıhattaý, jas talanttar men sheber oryndaýshylardyń jolyn ashý bolyp tabylady. «Ándi súıseń, menshe súı», dep dana Abaı aıtqandaı, hal­qymyzdyń qara dombyrasy – qazaqtyń án men kúı qudiretin asqaqtatqan, tarıh únin jalǵas­tyrǵan uly jádigerimiz. Qazaqtyń áni men kúıi – halqymyzdyń kóne zamannan beri qalyptasqan asyl qazynasy, ulttyń bekzat bolmysy, júrek syzdatqan saǵynyshy, kóńildiń názik qylyn sherter sezimi, muń-sheri, qyzyq-qýanyshy. Sondyqtan bolsa kerek, úkili dombyramyzdyń úni eki kún boıy Kókshe aspanynda áýeleı qalyqtap, júrekterdi terbetip turdy. Baıqaýǵa Kókshetaý qalasynyń, Aqkól, Ereımentaý, Egindikól jáne Zerendi aýdandarynyń júırik 25 dombyrashysy qaty­syp, óner jarysynyń kórigin qyzdyra bildi. Qazylar alqasy oza shapqan úzdikterdi anyqtaý úshin az ter tókpegenin de baı­qa­dyq. Áıtkenmen, «jarys mu­raty – jeńý», demekshi shoq­tyǵy bıik dombyrashylarǵa jurt­shy­lyq dúrkirete qol soǵyp, rıza­shy­lyqtaryn bildirdi. Sóıtip, «Úzdik dombyrashy» ataýynda kókshetaýlyq Maǵjan Káribaev, «Úzdik dástúrli ánshi» – Zınýlǵabıden Nurmaǵambet (Egin­dykól aýdany); «Erekshe daýys» – Serǵazy Qaraqat (Aqkól aýdany); «Kórermen kózaıymy» – Baıǵabylov Álisher (Kókshetaý qalasy) jeńimpaz atandy. Olarǵa kýbok, dıplom jáne baǵaly syı­lyqtar tapsyryldy. Baıqaýǵa qatysýshylardy quttyqtaǵan Kókshetaý qala­sy ákiminiń orynbasary Alty­naı Ámirenova «Qasıetti domby­ranyń» dástúrli sıpat alatynyn málimdedi. Baqbergen AMALBEK, «Egemen Qazaqstan». Aqmola oblysy. Sýrette: baıqaýdan kórinis.