Jańa baǵdarlamanyń ereksheligi qandaı deısiz ǵoı? Kompanııanyń bas tehnıkalyq dırektory Mıra Mýratıdiń aıtýynsha, GPT-4o aldyńǵy modelderge qaraǵanda áldeqaıda jyldam jumys isteıdi. OpenAI-dyń buǵan deıingi GPT-4 modeli mátin kúıinde ǵana berilgen sózdi túsine alatyn edi. Al jańartylǵan GPT-4o nusqasy 50 tildi erkin meńgerip qana qoımaı, aýyzsha aıtylǵan sózdi de taldaı alatyn múmkindikke ıe. Mundaǵy «o» árpi «omni» degen maǵynany bildiredi. Qazaqshalasaq, «jan-jaqty». Iаǵnı ol mátindi, aýyzsha aıtylǵan sózdi, sonymen qatar beıneni óńdeı alady. Al eń mańyzdysy, qazaq tilinde erkin áńgimelesedi. «Áńgimelesedi» dep otyrǵanymyz da beker emes. О́ıtkeni OpenAI-diń bul shyǵarylymy adamǵa kóbirek uqsaıdy. Ol suraqtarǵa jaýap bergende áńgimelesýshiniń daýys yrǵaǵy men kóńil kúıin ańǵaryp, soǵan saı emosıonaldy reńkte jaýap qaıyrady. Taqyrypqa baılanysty birde qýanady, birde muńaıady. Suraq qoıýshy meılinshe ashylyp, syryn búkpeı, saýalyn nendeı maqsatta qoıyp otyrǵanyna deıin aıtyp, erkin sóılesse, jasandy ıntellekti de jaǵymdy aqparatyn jasyryp qalmaıdy. Budan bólek, GPT-4o modelimen aýyzsha sóılese otyryp, oǵan telefon kamerasynda matematıkalyq eseptiń sýretin kórsetýge bolady. Sol arqyly jasandy zerde nebir kúrdeli esepterdiń de shyǵarylý jolyn sizge aýyzsha túsindirip beredi.
