О́rt

Atyraýlyq jigit 4 jasar balany «tilsiz jaýdan» qutqardy Atyraýdaǵy kóp qabatty úıdegi páterdiń birinde bolǵan órt osy aıtqanymyzdyń aıqyn dáleli bolmaq. Sol kúni tús áletinde qaladaǵy saýda ortalyǵynyń ókili Ráshıt Jakýpov anasynyń úıine tústik as ishýge keledi. Kóp qabatty úıge kirer aldynda úshinshi qabattaǵy terezeden tútindi kóredi. Baspaldaqpen joǵary kóterilip, tútin ıisi sezilgen páter esigin qaqqanda, ishten jylaǵan balanyń daýysyn estıdi. Kórshilerge órt sóndirýshilerge habarlaýdy tapsyryp, ózi páterge qaıta janushyra júgiredi. Páter esigin ashyp, ishke enteleı engende, qara tútin dálizdi qoıý qarańǵylyqqa tumshalaıdy. Bul kezde páterdiń kireberisinde kishkentaı bala qulap jatyr edi. Inisi ekeýi tútinge tunshyqqan balany kóterip alyp, jaqyn mańdaǵy oblystyq balalar aýrýhanasyna jetkizedi. Keıin belgili bolǵandaı, gazǵa ýlanǵan bala 2010 jyly týǵan, ıaǵnı 4 jasta eken. О́rt sóndirýshiler qyzyl jalynnyń ózge páterlerdi sharpýyna jol bermeı, dereý sóndirip úlgerdi. Eń bastysy – 4 jasar bala aman. Ajal tyrnaǵynan arashalandy. Qazir kishkentaı bala dárigerler baqylaýynda. Ony qutqarǵan jas jigit Ráshıt Jakýpovtyń jasy áli 30-ǵa tolmaǵan. Ráshıttiń 7 jáne 3 jastaǵy eki uly bar. «Biz kórshimiz ǵoı, bir-birimizge qıyn sátte qol ushyn sozýymyz qajet», dep sypaıy jymıǵan jas jigit bul isin erlikke balamaıdy. Joldasbek ShО́PEǴUL, «Egemen Qazaqstan». ATYRAÝ. Sýretti túsirgen Rahym QOILYBAEV.