Foto: Qarjy mınıstrligi
Atalǵan is-sharaǵa Qazaqstannyń Qyrǵyz Respýblıkasyndaǵy Tótenshe jáne О́kiletti elshisi Rápil Joshybaev ta qatysqanyn aıta keteıik. Taraptar bıyl sáýirde Astanada Qazaqstan men Qyrǵyzstannyń Prezıdentteri qol qoıǵan «Odaqtyq qatynastardy tereńdetý jáne keńeıtý týraly shartty» jáne «Investısııalardy yntalandyrý jáne ózara qorǵaý týraly kelisimdi» iske asyrýdy talqylady.
Mádı Tókeshuly aıtqandaı, Qazaqstan kórshiles elmen kópjosparly yntymaqtastyqty odan ári nyǵaıtýǵa múddeli. Máselen, birlesken jumystyń nátıjesinde 2023 jyly ózara saýda kólemi 1,5 mlrd dollarǵa jetti. Endi bul kórsetkishti 2 mlrd dollarǵa jetkizý josparlanyp otyr.
«Meniń oıymsha, Memleket basshylary qol qoıǵan qujattar Qazaqstan-Qyrǵyzstan qatynastarynyń damýyna tyń serpin beredi. Buǵan qazir barlyq deńgeıde jolǵa qoıylǵan belsendi jáne senimdi saıası dıalog septigin tıgizip otyr. Kúrdeli geosaıası jaǵdaılarǵa qaramastan eki memleket keıbir baǵyttarda saýda qatynastaryn saqtap, nyǵaıtty. Biz qyrǵyz tarapy sekildi jaqyn arada taýar aınalymyn 2 mlrd dollarǵa deıin jetkizý boıynsha sharalar qabyldap jatyrmyz», dedi M.Takıev.
Qyrǵyzstanǵa jumys saparyn aıaqtaǵan boıda vedomstvo basshysy «Qordaı» jáne «Qarasý» ótkizý pýnktteriniń, sondaı-aq qoldanystaǵy aqparattyq júıelerdiń jumysyn tekserdi.
Mınıstrge shekaradan ótý kezinde baqylaý júrgizý prosesteri men kólik quraldarynyń ótý algorıtmi aıqyn kórsetildi.
Orta eseppen alǵanda «Qarasý» ótkizý pýnkti arqyly táýligine 500-ge jýyq júk kóligi,al «Qordaı» arqyly 300 kólikteı (5 tonnaǵa deıin) ótedi. Shekaradan ótý ýaqyty shamamen 25-30 mınýt.
Sondaı-aq Mádı Takıev aqparattyq júıelerdiń tıimdiligin, atap aıtqanda, taýarlardy ótkizý kezinde kez kelgen buzýshylyqtardy anyqtap, aldyn alýǵa múmkindik beretin táýekelderdi basqarýdyń avtomattandyrylǵan júıesin baǵamdady.
Tutastaı alǵanda, Memlekettik kirister komıteti EAEO elderimen barlyq shekarada taýarlardyń erkin qozǵalysyn qamtamasyz etip keledi. О́tkizý pýnktterinde baqylaý sharalary EAEO týraly sharttyń erejelerine sáıkes júrgiziledi.
