Ulttyq dástúrdi shetelge áıgilegen

Gúlmıra Pernetaıqyzy Dosybekova Túrkistan qalasynda dúnıege kelip, Nekrasov atyn­daǵy mektepti úzdik bitirgen. Iаsaýı atyndaǵy halyqaralyq qazaq-túrik ýnıversıtetiniń halyq­aralyq qatynastar fa­kýl­tetin bitirdi. Týma talant ıesi Italııanyń dızaın mek­tebinde bilimin jalǵastyrdy. Otba­sylyq jaǵdaıymen Lı­vandaǵy Beırýt qalasynda tur­ǵan kezinde Qazaqstannyń salt-dástúrine negizdelgen týyndylarymen halyqaralyq sýret kór­melerin uıymdastyryp, zııaly qaýym ókilderiniń rıza­shylyǵyna bólendi. Alaıda Lıvanda qıynshylyq týyndaǵan kezinde shekaradan júzdegen polotnolaryn alyp óte almaı, qıyndyqqa ushyrady. Qazir­gi kezde Tashkentte turady. Shekaradan aman-esen ótkizgen týyndylarynyń ishinen 47-sin «Týǵan jerge taǵzym» atty kórmege qoıdy. Qazirgi kezde QR kod arqyly ári onlaın kór­melerdi ótkizýge de mashyq­tanǵan kórinedi.

«Týǵan jerge taǵzym» kór­mesine ákelgen týyndyla­rymnyń ishinde maıly boıaý, akrel, tekstýralyq pasta, altyn-kúmis jalatylǵan polot­no­larym qoıyldy. Qazirgi tańda sheteldikter negizinen túrki halqynyń salt-dástúrine qyzyǵýshylyq tanytady. Men jalpy sýretterimdi gúlmen kóm­kergendi, otbasylyq qun­dylyqtardy nasıhattaıtyn ár ulttyń sulý qyzdarynyń beı­nesin somdaǵandy jaqsy kóremin. Bul toptamany «Týǵan jerge taǵzym» dep ataǵan se­bebim, túrki teginiń túp tórkini Túrkistandaǵy týǵandarymdy shy­ǵarmalarymmen tanystyrý edi. Qazir menimen birge kelgen on eki sýretshini «Arys­tanbabqa túne, Qoja Ahmet Iаsaýıden tile» degendeı Arystanbab, Qoja Ahmet Iаsaýı kesenesine, Úkasha ata kese­nesine aparyp, osyndaǵy ustazdarymnyń aq batasyn alyp, sýretshiliktiń úlken jolyna shyǵýǵa bel baıladym»,deıdi Gúlmıra Pernetaıqyzy.

Buǵan deıin Beırýtta, Tash­kentte kórkem týyndylarynan halyqaralyq kórme uıym­dastyrǵan Gúlmıra Per­ne­taı­qyzynyń maqsaty al­daǵy ýaqytta Dýshanbede, Shveı­sa­rııadaǵy Sıýrıh qala­syn­da, Eýropa elde­rinde, Dý­baı­­da ót­kizýge tapsyrystar alǵan kórinedi. Jaqynda sonda attanbaq.

Kórmege qatysqan Nekrasov mektebiniń sol kezdegi dırektory Svetlana Kern men ustazy Nesipgúl О́tebaevanyń aıtýynsha, Gúlmıra mektepte oqyp júrgen kezinde de sýret salyp, ol týyndylary oqý ornynyń qabyrǵasynyń kór­kin keltirip turatyn bolǵan. Muny kórgen turǵyndar «arnaıy sýretshi jaldadyńdar ma?» dep jıi suraıtyn kó­rinedi. Gúlmıra jasynan py­syq, zerek, jaýapkershiligi mol, qoǵamdyq jumystarǵa bel­sendi qatysýymen kózge tús­ken. Synyptyń turaqty staros­tasy bolǵan. Dostarynyń ishinde ereksheligi kıim úlgisi, ıntererer jasaýmen de kózge túsken.

Gúlmıra ana retinde úsh qyz, bir balany tárbıelep otyr. Úlkeni Qasymjomart Shveısarııanyń halyqaralyq qatynastar ýnı­versıtetinde, qyzy Ádııa Shveı­sarııa ýnıver­stıtetiniń qar­jy fakýltetinde oqıdy. Jandáýlet, Nursálim, Safııasy ózimen birge Tashkentte turady. Joldasy Rahymjan – Iаsaýı atyndaǵy Halyqaralyq qazaq-túrik ýnıversıtetiniń túlegi. Dúnıejúzilik banktiń dıplomaty bolǵandyqtan bas­shylyq qaıda jumsasa, sol elge otbasymen baryp tura­dy eken. Bul óz kezeginde Gúl­mıranyń jańa memleketterge qazaq dástúrin tanytýyna mol múmkindik áperedi. Ákesi Pernetaı Dosybekov pen zaıyby Shatkúl de qalaǵa tanymal ustazdar. Tórt balany tárbıelep, ulyn uıaǵa qyzyn qııaǵa qon­dyrǵan jandar. Sal­tanatty is-sharada sóz alǵan «Uly dala eli» ortalyǵynyń dırektory Gúljanat Ibragımqyzy, Nekrasov mektebiniń ustazdary Svetlana Kern, Nesipkúl О́te­baeva, «Qazaqstan, О́zbeks­tan, Reseı» sýretshiler qaýym­das­tyǵynyń músheleri Madına Takenova men Anna Kaýrova, «Túr­kistan» gazetiniń tilshisi Roza Narymbetova Gúlmıranyń álemge qylqalam arqyly qazaq­tyń dás­túr-saltyn pash etip otyrǵan maqsatkerligin madaq­tap, ata-anasyna osyndaı talantty da namysty qyzdy tárbıelep jetkizgeni úshin alǵystaryn jetkizdi.

«Uly dala eli» ortaly­ǵyn­daǵy Gúlmıra Dosybe­ko­vanyń «Týǵan jerge taǵzym» atty kór­mesin qala turǵyndary men qo­naqtary aldaǵy birneshe apta tamashalaýyna bolady.

Eskendir ERTAI